Կայքի թարմացումը` 13-10-2014 space

PG

 

  • Decrease font Middle font Enlarge font Extralarge font
 

Հարազատները համաձայն չեն հոգեկան հիվանդի հիվանդանոցային բուժմանը

Հարգելի խմբագրություն,

օրեր առաջ Երեւանի հոգեբուժական կլինիկաներից մեկում ականատես եղա այսպիսի մի տեսարանի:

Տվյալ հոգեբուժարանում հիվանդանոցային բուժում ստացող հիվանդ կնոջ տղան եւ ամուսինը վիճում էին բժշկուհու հետ՝ վերջինիցս պահանջելով, որ իրենց հարազատի բուժումը դադարեցվի (ամուսնու խոսքերով՝ «Կնոջս ուզում եմ տուն տանել...»): Բժշկուհին (ամենայն հավանականությամբ՝ տվյալ հիվանդի բուժող հոգեբույժը) նրանց սկզբում փորձում էր բացատրել-ապացուցել, թե՝ տվյալ հիվանդը իր եւ իր շրջապատի համար կարող է վտանգ ներկայացնել, ուստի եւ այդ պահին հնարավոր չէ նրան դուրս գրել: Հիվանդ կնոջ հարազատներն իրենց էին պնդում, իսկ բժշկուհին «հուսալի պաշտպանվում էր»: Բանը հասավ նրան, որ հիվանդի ամուսինը «սրտնեղեց», թե՝ «Ես տենց եմ ուզում, ու վերջ...», իսկ բժշկուհին, թե՝ «Ես ձեր հիվանդին դուրս չեմ գրի, իսկ դուք ում ցանկանում եք, կարող եք բողոքել...»:

Ինձ մի հարց է հետաքրքրում՝ ո՞վ էր ճիշտ այս իրավիճակում:

Արթուր




Պատասխանում է Վ.Զոփունյանը

Հարգելի Արթուր,

Ձեր նկարագրած կամ դրան մոտ իրավիճակը ոչ հազվադեպ հանդիպում է ոչ միայն հոգեբուժական ծառայություն մատուցող, այլ՝ ցանկացած տիպի բուժհիմնարկներում: Լինում են դեպքեր, երբ ծնողը հրաժարվում է իր մանկիկի բուժօգնությունից, կամ հասուն զավակները՝ իրենց զառամյալ ծնողների այս կամ այն վիրահատական միջամտությունից: Հոգեբուժության ոլորտը նման է բժշկության մյուս ոլորտներին, սակայն ունի իր առանձնահատկությունները:

Նախ, սկսենք նրանից, որ մեր հանրապետությունում հոգեկան առողջության եւ հոգեկան խանգարումներ ունեցող անձանց իրավունքների պաշտպանության հետ կապված հարաբերությունները կարգավորվում են «Հոգեբուժական օգնության մասին» ՀՀ օրենքով, որի 16-րդ հոդվածը սահմանում է՝

Հոդված 16. Բուժումից հրաժարվելը

1. Հոգեկան խանգարումով տառապող անձը կամ նրա օրինական ներկայացուցիչն իրավունք ունի հրաժարվելու առաջարկված բուժօգնությունից կամ դադարեցնելու այն, բացառությամբ սույն օրենքի 15-րդ հոդվածի 3-րդ մասում նշված դեպքերի:

2. Բուժումից հրաժարվող անձին կամ նրա օրինական ներկայացուցչին պետք է բացատրվեն բուժման դադարեցման հետ կապված հնարավոր հետևանքները:

3. Բուժօգնություն ստանալուց հրաժարվելու և բուժման դադարեցման հետ կապված հնարավոր հետևանքների մասին տեղյակ պահելու փաստը արձանագրվում է բժշկական փաստաթղթերում` բուժօգնությունից հրաժարվող անձի կամ նրա օրինական ներկայացուցչի և հոգեբույժի ստորագրությամբ:

Իսկ ահա նույն օրենքի 15-րդ հոդվածի 3-րդ մասը սահմանում է, որ՝

Հոդված 15. Բուժում իրականացնելու համար համաձայնությունը

3. Հոգեկան խանգարումով տառապող անձի բուժումը կարող է իրականացվել առանց նրա կամ նրա օրինական ներկայացուցչի համաձայնության` միայն օրենքով նախատեսված բժշկական բնույթի հարկադրական միջոցների կիրառման և ոչ հոժարակամ (հարկադիր) հոսպիտալացման դեպքերում:

Այսպիսով, օրենքով նախատեսված է, որ առանց հիվանդի կամ նրա օրինական ներկայացուցչի (Ձեր բերած օրինակում՝ ամուսնու) համաձայնության բուժումը կարող է շարունակվել միայն հարկադիր միջոցների կիրառման կամ հարկադիր հոսպիտալացման դեպքերում: Տվյալ դեպքում անհայտ է ինչպես տվյալ հիվանդի ախտորոշումը, այնպես էլ այն, թե արդյոք խոսքը հոժարակա՞մ, թե՞ հարկադիր բուժման մասին է, առանց որոնց անհնար է տալ վերջնական պատասխան:

Այուհետեւ, հոգեբուժական հիվանդանոցից հիվանդի դուրս գրումը դարձյալ ստացել է օրենսդրական կարգավորում: Խնդրում ենք Ձեզ ուշադրությամբ ընթերցել օրենքի 21-րդ հոդվածի երկու մասերը, որոնք մեջբերված են ստորեւ՝

Հոդված 21. Ընդհանուր հսկողության հոգեբուժական բաժանմունքից հիվանդի դուրս գրումը

1. Ընդհանուր հսկողության հոգեբուժական բաժանմունքից հիվանդի դուրսգրումը կատարվում է նրա առողջացման և հոգեկան վիճակի բավարար լինելու դեպքում, եթե վերացել է հետագա ստացիոնար բուժման կարիքը, կամ եթե ավարտվել են հետազոտման կամ փորձաքննության ժամկետները:

2. Ընդհանուր հսկողության հոգեբուժական բաժանմունքում հոժարակամ (կամավոր) կարգով գտնվող հիվանդի դուրuգրումը կատարվում է հոգեբույժի եզրակացության հիման վրա կամ հիվանդի պահանջով, բացառությամբ այն դեպքերի, երբ հիվանդը տվյալ պահին հասարակական վտանգ է ներկայացնում: Այս դեպքում հոգեբուժական այն կազմակերպության տնoրինությունը, որում բուժվում է քաղաքացին, սույն օրենքի 23-րդ հոդվածով սահմանված կարգով և ժամկետներում դիմում է դատարան` քաղաքացուն հոգեբուժական հիվանդանոցային ոչ հոժարակամ (հարկադիր) բուժման ենթարկելու համար: Դուրսգրումից առաջ հոգեբուժական կազմակերպության տնօրենը գրավոր ծանուցում է հիվանդի օրինական ներկայացուցչին` ծանուցման մեջ նշելով դուրսգրման օրը և ժամը:

Սա նշանակում է, որ հոգեբույժը կարող է հիվանդին դուրս չգրել, եթե հիվանդը տվյալ պահին հասարակական վտանգ է ներկայացնում, սակայն, ինչպես պահանջում է օրենքը՝ միայն դատարանի որոշմամբ:

Այնուամենայնիվ, հարկ եմ համարում ընդգծել, որ դարձյալ նույն օրենքի 24-րդ հոդվածով սահմանվում է հոգեբուժական օգնություն և ծառայություններ իրականացնելու հետ կապված գործողությունների բողոքարկումը: Մասնավորապես, այդ հոդվածի 1-ին մասն ամրագրում է, որ հոգեբուժական օգնություն և ծառայություններ իրականացնող հոգեբույժի կամ այլ մասնագետի գործողությունները կարող են բողոքարկվել դատական կարգով, իսկ 2-րդ մասով՝ բողոքը ներկայացնում է հոգեկան խանգարում ունեցող անձը կամ նրա օրինական ներկայացուցիչը` օրենքով սահմանված կարգով:

 

Նորություններ

«Պետք է բացառվեն այլ կառույցների հետ ընկերային կամ բարեկամական հարաբերությունները»

«ՀՀ առողջապահության նախարարության աշխատակազմի Առողջապահական պետական տեսչության աշխատանքը պետք է բարձրացնի հանրության վստահությունը համակարգի հանդեպ»,-տեսչության ստորաբաժանումների ղեկավարների հետ հանդիպման ընթացքում այս շեշտադրումն է կատարել ՀՀ առողջապահության նախարար…

կարդալ

Այցելություն Ուռուցքաբանության ազգային կենտրոն

Վարչապետ Հովիկ Աբրահամյանը և ՀՀ առողջապահության նախարար Արմեն Մուրադյանն այսօր այցելեցին ՀՀ առողջապահության նախարարության Վ. Ֆանարջյանի անվան ուռուցքաբանության ազգային կենտրոն, հանդիպեցին բուժանձնակազմին:

Կենտրոնի տնօրեն, ԳԱԱ թղթակից անդամ, բժշկական գիտությունների…

կարդալ

Նուռնուսում արձագանքում են բնակիչների դժգոհությանը

Կոտայքի մարզի Նուռնուս համայնքի մի խումբ բնակիչներից` ամառանոցային տարածքի Հարոյան փողոցին կից «Առողջ սունկ» ՍՊԸ-ի սնկի աճեցման համար կոմպոստի արտադրամասի աշխատանքի արդյունքում առաջացող տհաճ հոտի և հակասանիտարական վիճակի վերաբերյալ ՀՀ առողջապահության նախարարությունում…

կարդալ



Իրադարձություններ

“Մարդու իրավունքները բուժօգնություն ստանալիս” թեմայով դասընթացի հրավեր

“Իրավունքի զարգացման կենտրոն” հասարակական կազմակերպությունը հրավիրում է իրավաբանների համար նախատեսված «Մարդու իրավունքները բժշկական օգնություն և սպասարկում ստանալիս» վերտառությամբ դասընթացին, որը կկայանա սույն թվականի հունիսի 9-ին, ժամը՝ 13:00-ին, ԵՊՀ իրավագիտության…

կարդալ

Քննարկում “Հասարակական կազմակերպությունների դատավարական իրավասուբյեկտությունը” թեմայով

ԵՊՀ իրավագիտության ֆակուլտետի Սահմանադրական իրավունքի ամբիոնը կազմակերպում է սեմինար-քննարկում <ՙ<Հասարակական կազմակերպությունների դատավարական իրավասուբյեկտությունը>> թեմայով:

Վեջինս տեղի կունենա սույն թվականի մարտի 6-ին, ժամը 12:00-ին ԵՊՀ իրավագիտության ֆակուլտետի…

կարդալ




 

Practitioner Guide
 

Իրավական ակտեր


ՀՀ առողջապահության նախարարի 2001 թվականի մարտի 7-ի N 128 հրամանը սահմանում է ամբուլատոր-պոլիկլինիկական, մասնագիտացված հիվանդանոցային և դիսպանսերային բժշկական հաստատությունների միջոցով…

Բառարան


Սույն զեկույցը Հայաստանում ԱՀԳԳ առաջին փորձի արդյունքների համառոտ ամփոփումն է: Այն պարզաբանող առանցքային օրինակներ է ներկայացնում, թե ինչպես ԱՀԳԳ ինդիկատորները…

Անցուդարձ


“Իրավունքի զարգացման կենտրոն” հասարակական կազմակերպությունը հրավիրում է իրավաբանների համար նախատեսված «Մարդու իրավունքները բժշկական օգնություն և սպասարկում ստանալիս» վերտառությամբ դասընթացին, որը…

Բաժանորդագրում

Մուգքագրեք Ձեր էլ. փոստի հասցեն

FAQ

ԵՊՀ  ԻՐԱՎԱԲԱՆԱԿԱՆ ԿԼԻՆԻԿԱ
-Անվճար իրավաբանական օգնություն - Խորհրդատվությունը երեքշաբթի-ուրբաթ օրերին, ժամը 9:30-14:30, Հասցե` Ալեք Մանուկյան 1, իրավագիտության ֆակուլտետ, Հեռ. 010578137