Կայքի թարմացումը` 20-03-2015 space

PG

 

  • Decrease font Middle font Enlarge font Extralarge font
 

Բուժական մեթոդի գովազդ

Բարև Ձեզ,

Ես թերթում կարդացել էի հայտարարություն բուսաբուժության մեթոդներով մաշկային հիվանդությունների լիարժեք բուժման մասին, որն այլ մեթոդներով հնարավոր չէ բուժել: Մի քանի այցելություններից հետո ալերգիկ ռեակցիայի պատճառով առավել վատթարացավ վիճակս և ստիպված մեկնեցի այլ երկիր` այդ հետևանքներից վերականգնման և բուժման նպատակով:

Խնդրում եմ ինձ ասեք, այդպիսի իրավունք կամ թույլտվություն կա՞ տպագրելու նմանատիպ տեղեկություններ թերթերում, որ մարդիկ որպես տեղեկատվության հավաստի աղբյուր վստահեն և դիմեն: Ինչպես նաև այդպիսի բուսաբուժության մեթոդները թույլատրվում են թե՞ ոչ:

Կարինե
Ք. Երևան




Պատասխանում է Վ.Զոփունյանը

Հարգելի Կարինե,

Ձեր կողմից նշված և այլ նմանատիպ գործողությունների իրականացման թույլտվությունը, այլ կերպ ասած լիցենզիան` լիցենզավորման ենթակա գործունեության տեսակով զբաղվելու իրավունքը հաստատող պաշտոնական թույլտվությունը, ինչպես նաև այդ իրավունքը հաստատող պաշտոնական փաստաթուղթը տրամադրվում է օրենքով սահմանված կարգով:

Քանի որ գործունեության առանձին տեսակների լիցենզավորումը նպատակ ունի անձանց կյանքին ու առողջությանն առնչվող ապրանքների և ծառայությունների որակի, ինչպես նաև սպառնացող վտանգի նկատմամբ հսկողություն իրականացնել, այդ իսկ պատճառով «Լիզենզավորման մասին» ՀՀ օրենքի 43-րդ հոդվածի 3-րդ կետի համաձայն կազմակերպությունների կամ անհատ ձեռնարկատերերի կողմից բժշկական օգնության և սպասարկման իրականացումը ընդգրկված է լիցենզավորման ենթակա գործունեութան տեսակների ցանկում:

Բացի այդ, «Բնակչության բժշկական օգնության և սպասարկման մասին» ՀՀ օրենքի 18-րդ հոդվածը սահմանում է, որ Հայաստանի Հանրապետությունում բժշկական օգնություն և սպասարկում իրականացնողներն իրավունք ունեն ցուցաբերել համապատասխան բժշկական օգնություն և սպասարկում ընտրված տեսակների շրջանակներում` ՀՀ օրենսդրությամբ սահմանված կարգով լիցենզիա ստանալու դեպքում:

Հետևաբար, որևէ բժշկական ծառայություններից օգտվելիս անհրաժեշտ է տեղեկանալ և համոզվել, թե արդյոք համապատասխան կրթություն, մասնագիտացում ստացած անձ կամ հաստատություն է և ՀՀ օրենսդրությամբ սահմանված կարգով բժշկական գործունեության որոշակի տեսակներով զբաղվելու լիցենզիա ունեն, թե ոչ:

Ինչ վերաբերում է ԶԼՄ-ներով նմանատիպ հայտարարությունների թույլտվությանը, ապա նշենք, որ «Գովազդի մասին» ՀՀ օրենքի հոդված 15 կետ 72-ի համաձայն բուժտեխնիկական ու բուժական մեթոդները զանգվածային տեղեկատվության էլեկտրոնային և տպագիր միջոցներով կամ արտաքին գովազդային վահանակների միջոցով գովազդելու դեպքում գովազդի վրա պետք է նշվեն Հայաստանի Հանրապետության առողջապահության նախարարության թույլտվության համարն ու ամսաթիվը:

Հարկ է նշել նաև, որ ՀՀ կառավարության «Դեղերի, բուժտեխնիկայի և բուժական մեթոդների գովազդի թույլտվության տրամադրման կարգը և այդ գովազդին ներկայացվող պահանջները հաստատելու մասին» 02.11.2006 թվականի թիվ 1608-Ն որոշման հավելված 1-ով սահմանված է, որ անբարեխիղճ գովազդի կամ թույլտվության պայմանների խախտմամբ գովազդի դեպքում նախարարությունը կարող է դիմել իրավասու մարմիններին` անբարեխիղճ գովազդ տարածող կազմակերպություններին կամ անհատ ձեռնարկատե րերին օրենքով սահմանված վարչական պատասխանատվության ենթարկելու միջնորդությամբ, ինչպես նաև կարող է դիմել դատարան` անբարեխիղճ կամ թույլտվության պայմանների խախտմամբ գովազդի տարածումը դադարեցնելու հայցով:

Իսկ հավելված 2-ի համաձայն` բուժական մեթոդի գովազդատու կարող է լինել միայն բժշկական օգնության և սպասարկման լիցենզիա ունեցող անձը, ինչպես նաև արգելվում է գովազդել այն բուժական մեթոդները, որոնց միջոցով առաջարկվում է հասնել բժշկագիտությամբ չհիմնավորված արդյունքների կամ ամբողջությամբ բուժել այնպիսի հիվանդություններ, որոնք բժշկագիտության տվյալների հիման վրա հնարավոր չէ ամբողջությամբ բուժել:

Ելնելով վերոգրյալից և Ձեզ հետ տեղի ունեցածից` խորհուրդ ենք տալիս նախքան այդպիսի հայտարարություններից տեղականալով բժշկական ծառայություններից օգտվելը, ուշադրություն դարձրեք լիցենզիայի համարի առկայությանը, որպեսզի համոզվեք արդյոք բշկական գործունեությամբ զբաղվելու իրավունք ունեն, թե ոչ:

Իսկ Ձեզ պատճառված վնասի փոխհատուցման համար կարող եք դիմել դատարան համապատասխան ծախսերի դիմաց փոխհատուցում ստանալու համար: 

 

Նորություններ

Բժշկական օգնություն և սպասարկում` Հայոց ցեղասպանությունը վերապրած Երևանի 8 բնակչի

Մեծ Եղեռնի 100-րդ տարելիցին նվիրված միջոցառումների շրջանակում ՀՀ առողջապահության նախարարության համակարգող խորհուրդը բժշկական օգնություն և սպասարկում է տրամադրել Հայոց ցեղասպանությունը վերապրած Երևանի 8 բնակչի: Այս մասին տեղեկանում ենք ԱՆ լրատվական ծառայությունից:

կարդալ

Մանկապարտեզներում պետք է սահմանել վերահսկողություն անորակ խաղալիքների նկատմամբ

Երեխաների համար նախատեսված պլաստիկե խաղալիքներում պարունակվող թունավոր նյութերը կարող են հանգեցենել փոքրիկների վաղաժամ հասունացման: Այդ մասին այսօր լրագրողների հետ հանդիպման ժամանակ հայտարարեց մանկաբույժ-ալերգոլոգ Աստղիկ Բաղդասարյանը՝ ընդգծեոլվ, որ երեխաների համար վաճառվող…

կարդալ

Բրուցելոզով հիվանդների վիճակը գնահատվում է թեթև և միջին ծանրության. ԱՆ

Կապանի բժշկական կենտրոնի ինֆեկցիոն բաժանմունքում շարունակվում է բրուցելոզով 15 հիվանդի բուժումը (ընդամենը հայտնաբերվել է 17 հիվանդ, որից 2-ը դուրս են գրվել): Բոլոր հիվանդների վիճակը գնահատվում է թեթև և միջին ծանրության։ Նրանց բուժումը կազմակերպվում է պետական պատվերի շրջանակում,…

կարդալ



Իրադարձություններ

“Մարդու իրավունքները բուժօգնություն ստանալիս” թեմայով դասընթացի հրավեր

“Իրավունքի զարգացման կենտրոն” հասարակական կազմակերպությունը հրավիրում է իրավաբանների համար նախատեսված «Մարդու իրավունքները բժշկական օգնություն և սպասարկում ստանալիս» վերտառությամբ դասընթացին, որը կկայանա սույն թվականի հունիսի 9-ին, ժամը՝ 13:00-ին, ԵՊՀ իրավագիտության…

կարդալ

Քննարկում “Հասարակական կազմակերպությունների դատավարական իրավասուբյեկտությունը” թեմայով

ԵՊՀ իրավագիտության ֆակուլտետի Սահմանադրական իրավունքի ամբիոնը կազմակերպում է սեմինար-քննարկում <ՙ<Հասարակական կազմակերպությունների դատավարական իրավասուբյեկտությունը>> թեմայով:

Վեջինս տեղի կունենա սույն թվականի մարտի 6-ին, ժամը 12:00-ին ԵՊՀ իրավագիտության ֆակուլտետի…

կարդալ




 

Practitioner Guide
 

Իրավական ակտեր


Հայաստանի Հանրապետության կառավարության 20 ապրիլի 2006 թվականի N 581-Ն որոշումը սահմանում է վարորդական իրավունքի վկայական ունեցող, ինչպես նաև վարորդի թեկնածու…

Բառարան


29.01.11 - «Հայաստանում սեռավարկների տոկոսը գնալով մեծանում է»,- ասում է բժիշկ-սեքսապաթոլոգ Վրեժ Շահրամանյանը: Սեռավարակների մասին խոսելիս շատերն ամոթխածությամբ լռում են,…

Անցուդարձ


“Իրավունքի զարգացման կենտրոն” հասարակական կազմակերպությունը հրավիրում է իրավաբանների համար նախատեսված «Մարդու իրավունքները բժշկական օգնություն և սպասարկում ստանալիս» վերտառությամբ դասընթացին, որը…

Բաժանորդագրում

Մուգքագրեք Ձեր էլ. փոստի հասցեն

FAQ

ԵՊՀ  ԻՐԱՎԱԲԱՆԱԿԱՆ ԿԼԻՆԻԿԱ
-Անվճար իրավաբանական օգնություն - Խորհրդատվությունը երեքշաբթի-ուրբաթ օրերին, ժամը 9:30-14:30, Հասցե` Ալեք Մանուկյան 1, իրավագիտության ֆակուլտետ, Հեռ. 010578137