Առցանց օժանդակություն եւ հավաստի տեղեկություններ առողջապահության ոլորտում Ձեր իրավունքների մասին:
Մենք տրամադրում ենք օգտակար տեղեկություններ բժիշկների, պաշտոնյաների, իրավաբանների, հիվանդների եւ բոլոր այն մարդկանց համար, ովքեր հետաքրքրվում են առողջապահական իրավունքով եւ բիոէթիկայով:
Բարև Ձեզ,
Կարող եք ասել, եթե անձը չի ցանկանում իրականացնել հղիության արհեստական ընդհատում, իսկ բժիշկը ծննդկանի մոտ առկա հիվանդության պատճառով ստիպում է հրաժարվել իր երեխայից, ապա այս պարագայում բժիշկը ենթակա՞ է պատասխանատվության ապօրինի աբորտ կատարելու համար:
Ելենա
Ք. Վանաձոր
Մուգքագրեք Ձեր էլ. փոստի հասցեն
Բուժօգնություն ստանալիս մարդու իրավունքների պաշտպանություն
Պատրաստվել է Հայկական բժշկական ցանցի եվ Health Encyclopedia-ի կողմից:
Էլ. բովանդակության IV համահայկական մրցույթի «Էլ. առողջապահություն» անվանակարգի հաղթող (2008)
We comply with the HONcode standard for trustworthy health information: verify here
© 2006 - 2011 Առողջապահական նախաձեռնությունների հայկական կենտրոն.
Armenian Center for Health Initiatives with support of
Պատասխանում է Վիոլետա Զոփունյանը
Հարգելի Ելենա,
ՀՀ օրենսդրությամբ կարգավորվում են մարդու վերարտադրողական իրավունքները, այդ թվում նաև հղիության արհեստական ընդհատման (աբորտի) հետ կապված հարցերը:
Այսպիսով, մարդու վերարտադրողական առողջության և վերարտադրողական իրավունքների մասին ՀՀ օրենքի 10-րդ հոդվածի համաձայն`
1. Յուրաքանչյուր կին ունի հղիության արհեստական ընդհատման իրավունք:
2. Հղիության արհեստական ընդհատումը մինչև 12 շաբաթական հղիության ժամկետը կատարվում է կնոջ դիմումի համաձայն:
3. Հղիության արհեստական ընդհատումը մինչև 22 շաբաթական հղիության ժամկետը կարող է կատարվել բժշկասոցիալական ցուցումների դեպքում՝ կնոջ համաձայնությամբ:
…6. Հղիության արհեստական ընդհատման կարգն ու պայմանները սահմանում է Հայաստանի Հանրապետության կառավարությունը:
Սույն հոդվածը նկարագրում է աբորտի իրականաացման իրավական հիմքերը և հետևապես ՀՀ Քրեական օրենսգրքով էլ սահմանում է ապօրինի աբորտ կատարելու համար քրեական պատասխանատվություն:
Մասնավորապես, 122-րդ հոդվածը սահմանում է, որ համապատասխան բշժշկական բարձրագույն կրթություն ունեցող անձի կողմից ապօրինի աբորտ կատարելը պատժվում է տուգանքով՝ նվազագույն աշխատավարձի առավելագույնը հարյուրապատիկի չափով, կամ կալանքով՝ առավելագույնը մեկ ամիս ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով:
Ինչ վերաբերում է մոր մոտ առկա հիվանդությանը, ապա հարկ է նշել, որ ՀՀ կառավարության “Հղիության արհեստական ընդհատման կարգը և պայմանները հաստատելու մասին” 05.08.2004 թվականի N 1116-Ն որոշմամբ սահմանված են հղիության վիրահատական արհեստական ընդհատման բժշկական հակացուցումները, աբորտի բժշկական ցուցումները հղի կնոջ կողմից և ցուցումներ կապված պտղի և երեխաների ախտաբանական վիճակների հետ, ինչպես նաև հղիության արհեստական ընդհատման սոցիալական ցաւցումներ:
Եթե առկա է վերոնշյալ ցուցումների ցանկից որևէ հիվանդություն կամ վիճակ, ապա բժիշկը պարտավոր է այդ մասին տեղեկացնել մորը և ներկայացնել հղիության շարունակության դեպքում հնարավոր վտանգները: Միևնույն որոշման համաձայն` բժշկական ցուցումներով հղիության ընդհատման հարցը որոշվում է համապատասխան մասնագետների եզրակացության հիման վրա, հաշվի է առնվում և հղի կնոջ ցանկությունը:
Եթե կնոջ մոտ առկա է կյանքի համար վտանգ ներկայացնող հղիության ընդհատման բժշկական ցուցում, որը չի նախատեսվել տվյալ ցանկով, ապա հղիության ընդհատման հարցը լուծվում է հանձնաժողովային կարգով:
Այսպիսով, եթե բժիշկը գործել է վերոնշյալ դրույթներին համապատասխան, ապա ենթակա չէ պատասխանատվության: