Առցանց օժանդակություն եւ հավաստի տեղեկություններ առողջապահության ոլորտում Ձեր իրավունքների մասին:
Մենք տրամադրում ենք օգտակար տեղեկություններ բժիշկների, պաշտոնյաների, իրավաբանների, հիվանդների եւ բոլոր այն մարդկանց համար, ովքեր հետաքրքրվում են առողջապահական իրավունքով եւ բիոէթիկայով:
Ասացեք խնդրեմ. վարձու աշխատողին ընտանիքի հիվանդ անդամի խնամքի նպաստ կտրվի, եթե ընտանիքի հիվանդ անդամը նրա հայրն է, ով վիրահատվել է հիվանդանոցում, որին խնամել է տվյալ վարձու աշխատողը:
Մարինե
Մուգքագրեք Ձեր էլ. փոստի հասցեն
Բուժօգնություն ստանալիս մարդու իրավունքների պաշտպանություն
Պատրաստվել է Հայկական բժշկական ցանցի եվ Health Encyclopedia-ի կողմից:
Էլ. բովանդակության IV համահայկական մրցույթի «Էլ. առողջապահություն» անվանակարգի հաղթող (2008)
We comply with the HONcode standard for trustworthy health information: verify here
© 2006 - 2011 Առողջապահական նախաձեռնությունների հայկական կենտրոն.
Armenian Center for Health Initiatives with support of
Հարգելի Մարինե,
Հայաստանի Հանրապետության օրենսդրությունն, անշուշտ, կարգավորում է վարձու աշխատողին տրվող ընտանիքի հիվանդ անդամի խնամքի նպաստի տրամադրման կարգը: Այդ իսկ պատճառով էլ ՀՀ «Ժամանակավոր անաշխատունակության դեպքերից պարտադիր սոցիալական ապահովագրության մասին» օրենքը սահմանել է, որ վարձու աշխատողներին տրվում է ընտանիքի անդամի հիվանդության պատճառով առաջացած խնամքի անհրաժեշտության դեպքում տրվող նպաստ: Մասնավորապես հոդված 12-ի համաձայն` վարձու աշխատողին ընտանիքի հիվանդ անդամի խնամքի նպաստ է տրվում տնային (ամբուլատոր) պայմաններում ընտանիքի հիվանդ չափահաս անդամի խնամքի անհրաժեշտության դեպքում` 7 օրացույցային օրից ոչ ավելի: Սույն հոդվածի մյուս կետերով սահմանված են երեխայի և անչափասի խնամքի համար նպաստի տրմադրման կարգը, սակայն Ձեր հարցից բխում է, որ հիվանդը չափահաս անձ է, հետևաբար տվյալ վարձու աշխատողին ընտանիքի հիվանդ անդամի խնամքի նպաստ կտրվի 7 օրացույցային օրվա դիմաց:
Ի լրումն վերը բերվածի նշեմ նաև, որ ՀՀ աշխատանքային օրենսգրքի հոդված 176-ի համաձայն` աշխատողի պահանջով չվճարվող արձակուրդ է տրամադրվում ընտանիքի հիվանդ անդամին խնամող աշխատողին` բժշկական եզրակացությամբ սահմանված ժամկետներում, սակայն ոչ ավելի, քան 30 օր տարվա ընթացքում: Ինչպես նաև միևնույն օրենսգրքի 141 հոդվածի համաձայն` ոչ լրիվ աշխատանքային օր կամ ոչ լրիվ աշխատանքային շաբաթ է սահմանվում` ընտանիքի հիվանդ անդամի խնամքն իրականացնող աշխատողի պահանջով` բժշկական եզրակացության հիման վրա, սակայն ոչ ավելի, քան վեց ամիս ժամանակով, և յուրաքանչյուր օրվա համար ոչ ավելի, քան օրվա համար սահմանված աշխատաժամանակի կեսը:
Ուրախ կլինենք հետագա պարզաբանումների տրամադրման հարցում: