Կայքի թարմացումը` 20-03-2015 space

PG

 

  • text size Decrease font Middle font Enlarge font Extralarge font
 

Բժշկական օգնություն և սպասարկում` Հայոց ցեղասպանությունը վերապրած Երևանի 8 բնակչի

Մեծ Եղեռնի 100-րդ տարելիցին նվիրված միջոցառումների շրջանակում ՀՀ առողջապահության նախարարության համակարգող խորհուրդը բժշկական օգնություն և սպասարկում է տրամադրել Հայոց ցեղասպանությունը վերապրած Երևանի 8 բնակչի: Այս մասին տեղեկանում ենք ԱՆ լրատվական ծառայությունից:

ՀՀ առողջապահության նախարարի տեղակալ, համակարգող խորհրդի նախագահ Գագիկ Միրիջանյանի գլխավորած մասնագիտական խումբը համայցերի ընթացքում անհրաժեշտ բժշկական հետազոտություններ է կատարել: Ներքին օրգանների ուլտրաձայնային հետազոտության, էլեկտրասրտագրության, ինչպես նաև արյան ընդհանուր և բիոքիմիական հետազոտության հիման վրա, ըստ բժշկական ցուցումների, նախարարության կողմից ականատես-վերապրածներին տրամադրվել են անհրաժեշտ դեղեր և բժշկական պարագաներ:

«Հայաստանի բուժքույրերի միավորում ասոցիացիա» հասարական կազմակերպությունը ևս իր աջակցությունն է ցուցաբերել` տրամադրելով խնամակալներ:

կարդալ



Մանկապարտեզներում պետք է սահմանել վերահսկողություն անորակ խաղալիքների նկատմամբ

Երեխաների համար նախատեսված պլաստիկե խաղալիքներում պարունակվող թունավոր նյութերը կարող են հանգեցենել փոքրիկների վաղաժամ հասունացման: Այդ մասին այսօր լրագրողների հետ հանդիպման ժամանակ հայտարարեց մանկաբույժ-ալերգոլոգ Աստղիկ Բաղդասարյանը՝ ընդգծեոլվ, որ երեխաների համար վաճառվող խաղալիքները, որոնք խաղալիս նրանք դնում են իրենց բերանը, պետք է անվտանգ նյութերից պատրաստված լինեն:

«Նման նյութերի հետ հաճախակի կոնտակտը, որոնք պարունակում են PVC նյութը, դրանք կարող են լինել պլաստիկե տարաները, պլաստիկե շշերը, կարող են բերել երեխաների վաղաժամ հասունացման», -նշեց մասնագետը:

Նկատենք, որ մասնագետի մատնանշած PVC-ն պոլիվինիքլորիդն է, որը թափանցիկ պլաստամասսա է:

Հատկապես դժվար է այն դեպքում, երբ երեխան ալերգիկ է. այդպիսի երեխաների համար փափուկ խաղալիքները ևս կարող են վտանգավոր լինել:

կարդալ



Բրուցելոզով հիվանդների վիճակը գնահատվում է թեթև և միջին ծանրության. ԱՆ

Կապանի բժշկական կենտրոնի ինֆեկցիոն բաժանմունքում շարունակվում է բրուցելոզով 15 հիվանդի բուժումը (ընդամենը հայտնաբերվել է 17 հիվանդ, որից 2-ը դուրս են գրվել): Բոլոր հիվանդների վիճակը գնահատվում է թեթև և միջին ծանրության։ Նրանց բուժումը կազմակերպվում է պետական պատվերի շրջանակում, հիվանդներն ապահովվում են անհրաժեշտ դեղորայքով և ունեն առողջացման դրական տեղաշարժ: Այս մասին հայտնում են ՀՀ առողջապահության նախարարության լրատվական ծառայությունից:

Նշենք, որ ՀՀ առողջապահության նախարարությունը 2015 թվականի մարտի 5-ին է տեղեկատվություն ստացվել, որ Սյունիքի մարզի Կապանի 6 բնակիչ բրուցելոզ հիվանդությանը բնորոշ ախտանշաններով դիմել է բժշկական օգնության: Վերջիններիս աշխտորոշումը հաստատվել է նաև լաբորատոր հետազոտությունների արդյունքում: Նույն օրը տեղում իրականացված համաճարակաբանական հետազոտությունների արդյունքում պարզվել է, որ դեպքերը կապված են մասնագիտական գործունեության հետ:

Նոր հիվանդներ հայտնաբերելու նպատակով առողջապահության նախարարությունը մարտի 6-ից ընդլայնել է համաճարակաբանական և լաբորատոր հետազոտությունների շրջանակները, ինչի արդյունքում ևս 11–ի մոտ լաբորատոր հետազոտությամբ հաստատվել է բրուցելոզ հիվանդությունը: 

կարդալ



«Կապանի 6 բնակիչ տեղափոխվել է հիվանդանոց». «Իրազեկ և պաշտպանված սպառող» ՀԿ

«Իրազեկ և պաշտպանված սպառող» հասարակական կազմակերպությունը ստացել է ահազանգ այն մասին, որ մարտ ամսվա սկզբին Կապան քաղաքի թվով 6 բնակիչ տեղափոխվել է տեղի հիվանդանոց՝ բրուցելոզ հիվանդության կասկածով: Որոշ ժամանակ անց քաղաքացիների մոտ հիվանդությունը հաստատվել է, պարզվել է, որ վերջիններս հանդիսանում են Կապան քաղաքում գործող սպանդանոցի աշխատակիցներ, իսկ այս պահի դրությամբ հիվանդների թիվը հասել է 15-ի»,- ասված է «Իրազեկ և պաշտպանված սպառող» հասարակական կազմակերպության տարածած հաղորդագրության մեջ:

«Բրուցելոզը զոոնոզ հիվանդություն է, մարդուն փոխանցվում է ինչպես հիվանդ կենդանու կամ վերջինիս մսեղիքի հետ շփման, այնպես էլ չվերամշակված մթերքի օգտագործման միջոցով:

Խիստ մտահոգիչ է, որ դեպքի առնչությամբ պատկան մարմինները՝ ի դեմս Առողջապահության նախարարության և Գյուղատնտեսության նախարարության, լռում են: Տպավորություն է, թե պատկան մարմինները ցանկանում են կոծկել դեպքը, քանզի ի տարբերություն երկրում առկա փորձի՝ հանդես չեն եկել որևէ հայտարարությամբ: Պատկան մարմինների լռությունը կարող է ունենալ երկու պատճառ: Առաջինն այն է, որ նշված սպանդանոցը պատկանում է գործարար Մաքսիմ Հակոբյանին, երկրորդ՝ 2013 թ.-ին Սյունիքի մարզում բրուցելոզ հիվանդության նկատմամբ իրականացվել են վակցինացման աշխատանքներ, իսկ «Իրազեկ և պաշտպանված սպառող» ՀԿ-ն մշտապես բարձրաձայնել է վակցինացման հնարավոր ռիսկերի և վտանգների մասին և դեմ է եղել բրուցելոզի նկատմամբ կենդանիների վակցինացմանը, քանզի գործող ենթակառուցվածքների պայմաններում, կենդանիների համատարած համակարակալման և հաշվառման համակարգի բացակայության, տեղաշարժի անվերահսկելիության, ինչպես նաև մի շարք անհրաժեշտ…

կարդալ



Կապանում բրուցելոզով հիվանդների թիվը 17-ն է

Սննդամթերքի անվտանգության ծառայությունը քիչ առաջ արձագանքել է «Իրազեկ և պաշտպանված սպառող» ՀԿ նախագահի հայտարարությանը, ըստ որի Սյունիքի մարզկենտրոնում բրուցելոզի դեպքեր են արձանագրվել, իսկ պատկան մարմինները լռում են:

Ծառայությունից հայտարարում են. «ՀՀ ԳՆ սննդամթերքի անվտանգության պետական ծառայությունը ՀՀ առողջապահության նախարարությունից ահազանգ է ստացել, համաձայն որի բրուցելոզով վարակված հիվանդեր են գտնվում Սյունիքի մարզի Կապան քաղաքի բժշկական կենտրոնում:

Ահազանգն ստանալուց անմիջապես հետո Ծառայության Սյունիքի մարզային կենտրոնի անասնաբույժ-տեսուչներն այցելել են բ/կ, զրուցել անձնակազմի հետ և ճշտել, որ այսօրվա դրությամբ բրուցելոզով հիվանդների թիվը 17-ն է: Տեսուչները հիվանդներիցպարզել են, որ բոլորն աշխատել են «Գյուղարտ» ՓԲԸ-ին պատկանող սպանդանոցում, որը գտնվում է Կապան քաղաքի վարչական տարածքում և իրականացրել է մանր եղջերավոր կենդանիների մորթ: Այս պահի դրությամբ սպանդանոցը չի աշխատում:

կարդալ



Բրուցելոզի մասին ինչո՞ւ էին լռում պետական մարմինները

Առողջապահության նախարարությունը, ԳՆ սնդամթերքի անվտանգության ծառայությունը Կապանում գրանցված բրուցելոզի դեպքերի մասին բարձրաձայնեցին միայն «Իրազեկ և պաշտպանված սպառող» ՀԿ-ի ահազանգից հետո: Կարելի է ենթադրել, եթե խնդիրը չհրապարակայնացներ կազմակերպությունը, պետական մարմիններն այդպես էլ Սյունիքում արձանագրված դեպքերի մասին չէին խոսելու: Նկատենք, որ տեղի ունեցածի մասին դեռևս չի խոսել Գյուղատնտեսության նախարարությունը:

ՀԿ նախագահ Բաբկեն Պիպոյանն աշխատանքային խմբով եղել է Կապանում, պարզել է, որ հիվանդության առաջացման պատճառը միանշանակ սպանդանոցն է, այլ հայտարարություններ կարող է անել միայն ձեռքի տակ եղած տվյալների ուսումնասիրությունից ու վերլուծությունից հետո:

«Միանշանակ պատճառը սպանդանոցն է, սակայն պետք է պարզել, սպանդանոցում առկա խնդիրը տնտեսվարողի՞ց է գալիս, թե պետությունից: Սա ուսումնասիրության կարիք ունի, այն որ մարդիկ սպանդանոցում են վարկվել, այստեղ երկրորդ կարծիք լինել չի կարող: Բայց արդյոք սպանդանոցն ունի՞ իր մեղավորությունը, թե՞ պետությունն է ավելի մեղավոր, սա դեռ հստակ չէ»,-ասաց ՀԿ նախագահը:

կարդալ



Նոր օրենքով յուրաքանչյուր երեխա կրծքով սնվելու իրավունք ունի

Մարտի 1-ից ուժի մեջ մտած «Երեխաների կրծքով սնուցման կարգավորման և մանկական սննդի շրջանառության մասին» օրենքը կնպաստի փոքրիկներին կրծքով սնուցման տարածմանը և դրա արդյունքում երեխաների մոտ հիվանդացության նվազմանը: Այդ մասին այսօր լրագրողների հետ հանդիպման ժամանակ հայտարարեց Երևանի պետական բժշկական համալսարանի մանկաբուժության թիվ 1 ամբիոնի դասախոս, «Վստահություն» առողջապահական ՀԿ-ի նախագահ Սուսաննա Հարությունյանը:

«Հայտնի է, որ ծննդատներում չի խրախուսվում նորածիններին կրծքով կերակրելը, քանի որ բուժաշխատողներին կաթնախառնուրդ արտադրող ընկերությունները խրախուսում են, որպեսզի նրանք մայրերին նորածինների կերեր բաժանեն անվճար: Օրենքն իր հերթին կպայքարի այս երևույթի դեմ, քանի որ երբ հայտնաբերվեն նման դեպքեր` նախ պատժամիջոցներ կկիրառվեն` գումարային տուգանքի տեսքով, այնուհետև և բուժհիմնարկը, և կաթնախառնուրդ ներկրողները կարող են զրկվել նաև լիցենզիայից»,- ասաց Հարությունյանը՝ ընդգծելով, որ նոր օրենքով, յուրաքանչյուր երեխա կրծքով սնվելու իրավունք ունի:

Ավելին, ըստ Հարությունյանի, իրենց հայտնի է, թե որ հիվանդանոցը կաթնախառնուրդ արտադրող կամ ներմուծող որ ընկերության հետ է համագործակցում, բայց քանի որ փաստեր չունեն, դեռ չեն կարող պատասխանատվության ենթարկել: 

կարդալ



Օրական մի բուռ ընկույզը բավարար է լավ հիշողություն ունենալու համար

Լոս Անջելեսի համալսարանի Բժշկագիտության դպրոցի գիտնականների նոր զեկույցի համաձայն` օրական մի բուռ ընկույզի օգտագործումը կարող է բարելավել հիշողությունը, ինչպես նաև՝ նպաստել ճանաչողական գործառույթի, կենտրոնացման և տեղեկության մշակման արագության բարեկավմանը:

Ինչպես ներկայացնում է Daily Mail-ը` հետազոտության ընթացքում պարզվել է, որ ճանաչողական գործառույթը համեմատաբար ավելի մեծ է եղել ընկույզ օգտագործող մասնակիցների մոտ` անկախ տարիքից, սեռից և ազգային պատկանելությունից:

կարդալ



Ռուսաստանում դեռևս Էբոլայի ներթափանցման վտանգ կա. ՌԴ առողջապահության նախարարություն

Ռուսաստանում պահպանվում է Էբոլա վիրուսի ներթափանցման վտանգը: Газета.Ru-ի փոխանցմամբ` այս մասին հայտնել է ՌԴ առողջապահության նախարարության` մարդու առողջության պահպանման և սանիտարահամաճարակային հարցերով վարչության տնօրեն Մարինա Շևիրևան:

«Մենք Էբոլայի բնական օջախներ չունենք, սակայն միշտ ներթափանցման վտանգ կա:  Այդ իսկ պատճառով վիրուսի առաջացման վտանգը չի հանվում», - ասել է վերջինս:

Նա նշել է նաև, որ ՌԴ առողջապահության նախարարությունը, «Ռոսպոտրեբնադզորը» և տրանսպորտի նախարարությունը պատրաստ են կանխելու վիրուսի տարածումը երկրի տարածքում:

կարդալ



«Պետք է բացառվեն այլ կառույցների հետ ընկերային կամ բարեկամական հարաբերությունները»

«ՀՀ առողջապահության նախարարության աշխատակազմի Առողջապահական պետական տեսչության աշխատանքը պետք է բարձրացնի հանրության վստահությունը համակարգի հանդեպ»,-տեսչության ստորաբաժանումների ղեկավարների հետ հանդիպման ընթացքում այս շեշտադրումն է կատարել ՀՀ առողջապահության նախարար Արմեն Մուրադյանը, հաղորդում է ԱՆ մամուլի բաժինը:

«Գործառույթների լիարժեք կատարման շնորհիվ կձևավորվի տեսչության բարձր հեղինակությունը որպես անհրաժեշտ, բնակչության առողջապահական և աշխատանքային իրավունքները պաշտպանող կառույց»,-ընդգծել է Արմեն Մուրադյանը, ում համոզմամբ` տեսչության արդյունավետ աշխատանքի շնորհիվ քաղաքացին վստահ կլինի, որ կպաշտպանվեն աշխատանքային իր իրավունքները:

«Առաջին հերթին պետք է բացառվեն տեսչության աշխատակիցների կողմից այլ գերատեսչությունների կամ կառույցների հետ ընկերային կամ բարեկամական հարաբերությունները: Բոլորը պետք է գիտակցեն, որ այդ գիծը չի կարելի հատել»,- ասել ՀՀ առողջապահության նախարարը` ավելացնելով, որ անաչառ և բաց աշխատաոճը կբարձրացնի նախարարության հեղինակությունը:

կարդալ



Այցելություն Ուռուցքաբանության ազգային կենտրոն

Վարչապետ Հովիկ Աբրահամյանը և ՀՀ առողջապահության նախարար Արմեն Մուրադյանն այսօր այցելեցին ՀՀ առողջապահության նախարարության Վ. Ֆանարջյանի անվան ուռուցքաբանության ազգային կենտրոն, հանդիպեցին բուժանձնակազմին:

Կենտրոնի տնօրեն, ԳԱԱ թղթակից անդամ, բժշկական գիտությունների դոկտոր, պրոֆեսոր Հայրապետ Գալստյանը հակիրճ ներկայացրեց բուժհաստատության գործունեությունը: Նշվեց, որ կենտրոնի բժշկական ծառայություններից օգտվում է տարեկան մոտ 4500 մարդ, կատարվում է շուրջ 3500 վիրահատություն: Վ. Ֆանարջյանի անվան ուռուցքաբանության ազգային կենտրոնը կրթական բազա է հանրապետության մասնագետների վերապատրաստման և ԵՊԲՀ-ի ուսանողների գործնական պարապմունքների համար:

Հայաստանի կառավարության և անձամբ իր անունից ջերմորեն շնորհավորելով Հայրապետ Գալստյանին ծննդյան 75-ամյակի կապակցությամբ՝ վարչապետ Աբրահամյանը նշեց. «Ուռուցքաբանության ազգային կենտրոնի պատմությունը մեր երկրում ուռուցքաբանական գիտության պատմությունն է: Այստեղ աշխատել ու գիտական լուրջ հետազոտություններ են կատարել և շարունակում են կատարել անվանի բժիշկ-գիտնականներ:

կարդալ



Նուռնուսում արձագանքում են բնակիչների դժգոհությանը

Կոտայքի մարզի Նուռնուս համայնքի մի խումբ բնակիչներից` ամառանոցային տարածքի Հարոյան փողոցին կից «Առողջ սունկ» ՍՊԸ-ի սնկի աճեցման համար կոմպոստի արտադրամասի աշխատանքի արդյունքում առաջացող տհաճ հոտի և հակասանիտարական վիճակի վերաբերյալ ՀՀ առողջապահության նախարարությունում ստացված դիմում-բողոքի հիման վրա ՀՀ ԱՆ Առողջապահական պետական տեսչությունը 2014թ. հունիսի 23-ին հարուցել է վարչական վարույթ։ Դրա շրջանակում «Հիվանդությունների վերահսկման և կանխարգելման ազգային կենտրոն» ՊՈԱԿ-ի կողմից իրականացվել են ուսումնասիրություններ և օդի լաբորատոր հետազոտություններ։

Փորձագիտական եզրակացության համաձայն` «Բնակավայրերում մթնոլորտային օդն աղտոտող նյութերի սահմանային թույլատրելի խտությունների նորմատիվները» չեն խախտվել: Պարզվել է, որ հոտի առկայությունը պայմանավորված է հոսանքազրկման պատճառով առաջացող տեխնոլոգիական գործընթացի խախտումներով:

Առողջապահական պետական տեսչությունը խախտումների և թերությունների վերացման նպատակով «Առողջ սունկ» ՍՊԸ-ին հանձնարարվել է 1 ամսվա ընթացքում օդափոխանակության անխափան աշխատանքն ապահովելու նպատակով տեղադրել էլեկտրագեներատոր` որպես հոսանքի երկրորդ աղբյուր։ Հանձնարարվել է նաև երկու ամսվա ընթացքում ավարտել շինարարական աշխատանքները և ապակեպատել արտադրամասի պատուհանները, աշխատակիցներին ապահովել համապատասխան սանկենցաղուկներով։ Պահանջ է դրվել նաև կազմակերպել աշխատակիցների պարբերական բժշկական զննություններ, նրանց ապահովել արտահագուստով, անհատական պաշտպանիչ միջոցներով։

կարդալ



Հայաստանը լուրջ ձեռքբերումներ է արձանագրել տուբերկուլոզի դեմ պայքարի գործում

Հուլիսի 17-24-ը Հայաստանում էր Առողջապահության համաշխարհային կազմակերպության (ԱՀԿ) եվրոպական տարածաշրջանային գրասենյակի կողմից տուբերկուլոզի դեմ պայքարի ազգային ծրագրի համապարփակ գնահատման առաքելությունը: Տեղեկանում ենք ՀՀ առողջապահության նախարարությունից: 

ԱՀԿ եվրոպական տարածաշրջանի առողջապահական համակարգի և հանրային առողջության վարչության տնօրեն, եվրոպական տարածաշրջանային գրասենյակի տնօրենի դեղակայուն տուբերկուլոզի հարցերով հատուկ հանձնակատար, դոկտոր Հանց Կլուգենը նշեց, որ մեր երկիր կատարած այցն ուներ երկու հիմնական նպատակ: 

«Մեր նպատակն էր տուբերկուլոզի դեմ պայքարի ազգային ծրագրի եռամյա աշխատանքի գնահատումը, ինչպես նաև Հայաստանի առողջապահության նախարարի հետ Հայաստանում հետագա համընդհանուր առողջապահական ծածկույթ ապահովելու հարցերի քննարկումը, որը ենթադրում է համապատասխան առողջապահական ծառայությունների ապահովում»,- ասաց Հանց Կլուգեն։

կարդալ



Երեւանում 3 օրում ծնվել է 230 երեխա

Երեւանում 3 օրվա ընթացքում ծնվել է 230 երեխա ՝ 118 տղա եւ 112 աղջիկ:

Երեկ, օգոստոսի 18-ին ծնվել է 42 երեխա ՝ 24 տղա եւ 18 աղջիկ:

Նախորդ երկու օրվա ընթացքում, օգոստոսսի 16-ին եւ 17-ին, մայրաքաղաքում ծնունդների թիվը կազմել է 188՝ 94 տղա եւ 94 աղջիկ։

կարդալ



ՀՀ Առողջապահության նախարարն այցելել է նախարարության մի շարք կազմակերպություններ

Արմեն Մուրադյանն այսօր այցելեց բժշկական մի շաք հաստատություններ։ ՀՀ առողջապահության նախարարության Ս. Ավդալբեկյանի անվան Առողջապահության ազգային ինստիտուտում նախարարը շրջեց բոլոր հարկերում, զրուցեց աշխատակիցների հետ, հետաքրքրվեց նրանց կողմից իրականացվող ծրագրերով, ծանոթացավ աշխատանքային պայմաններին։ Նախարարին ներկայացվեցին ՀՀ ԱՆ ԱԱԻ Տեղեկատվական վերլուծական կենտրոնի գործունեությունը, Առողջապահական համակարգի գնահատման, ինչպես նաեւ Ազգային հաշիվների վերջին տարիներին ստեղծված զեկույցները։

Բացառությամբ մի քանի հարկերի, որոնք վերանորոգվել ու կահավորվել են տարբեր ծրագրերի շրջանակում, մնացած հարկաբաժիններն անմխիթար վիճակում են։

ԱԱԻ ղեկավարության հետ քննարկվեցին ախտորոշման եւ բուժման չափորոշիչների, կլինիկական ուղեցույցների արդիականացման ծրագրերը, նախարարության ռազմավարական փաստաթղթերի մշակման գործում ինստիտուտի ներուժի ներգրավման հարցերը։ Արմեն Մուրադյանը նաեւ հետաքրքրվեց կոլեկտիվի կողմից գիտաբժշկական հանդեսի հրատարակման հարցերով, ծանոթացավ ինստիտուտի կառուցվածքային ստորաբաժանումներին, ինչպես նաեւ կոլեկտիվին հուզող, այդ թվում` շենքային պայմանների բարելավման հիմնախնդիրներին։

կարդալ



Հայաստանում Էբոլայի վիրուսով հիվանդ չի գրանցվել

Պատմություն

Այս հիվանդությունն առաջին անգամ արձանագրվել է 1976 թ. Էբոլ գետի հարակից բնակավայրում, որտեղից էլ ծագել է հիվանդության անունը:

Հարուցիչը Էբոլի վիրուսն է: Կա վիրուսի 5 ենթատեսակ, որոնք անջատվել են աֆրիկյան տարբեր բնակավայրերում:

Բռնկումները բնորոշ են Կենտրոնական և Հարավային Աֆրիկայի առանձին՝ արևադարձային անտառներին հարակից բնակավայրերին:

կարդալ



Իրավիճակը հոգեբուժարաններում

ՀՀ առողջապահության նախարար Արմեն Մուրադյանի մոտ տեղի ունեցած աշխատանքային խորհրդակցության ընթացքում քննարկվեցին հոգեբուժական ծառայության հիմնախնդիրներին, հանրապետության հոգեբուժական հաստատություններում տիրող ներկա իրավիճակին, դեղերի շրջանառությանը, այդ ուղղությամբ գործող նորմերի ապահովմանը, այդ թվում` ժամկետանց դեղերի բացառմանը վերաբերող և այլ հարցեր։ Խիստ քննարկման առակա դարձան նաև հիվանդանոցների ընդհանուր սանիտարական վիճակին, ներհիվանդանոցային ռեժիմի պահպանմանը, հիվանդներին տրամադրվող սննդի որակին վերաբերող հարցերը: Վերջին երեք ամիսների ընթացքում սա հոգեբուժարանների հիմնախնդիրներին նվիրված երրորդ քննարկումն էր։ Բացի այդ, Արմեն Մուրադյանն այցելել է հանրապետության տարբեր հոգեբուժական հաստատություններ, տվել կոնկրետ հանձնարարականներ:

Առողջապահության նախարարը հանրապետության հոգեբուժական կենտրոնների ղեկավարների ուշադրությունը հրավիրեց հոգեբուժական ծառայություններին առնչվող խնդիրներին` սկսած` հիվանդանոցների տարրական պայմաններից, պահեստներից ու խոհանոցներից, ներառյալ` առաջին բուժօգնություն և կարդիոռեանիմացիա` ընդգծելով, որ նշված բոլոր հարցերը բարձրացվել և մասնագիտական վերլուծություն է կատարվել դեռևս նախորդ` մայիս-հունիս ամիսներին հոգեբուժարաններ կատարած իր այցերի ընթացքում: Արմեն Մուրադյանը հոգեբուժական հիվանդանոցների տնօրեններին հանձնարարեց երկօրյա ժամկետում հոգեբուժարաններում շտկել իրավիճակը, հակառակ դեպքում խիստ միջոցներ կձեռնարկվեն:

«Հստակ պահանջ եմ ներկայացնում ձեզ` մինչև երկուշաբթի օրը հոգեբուժական հաստատություններում սանիտարական վիճակը բերել պատշաճ մակարդակի և ապահովել որակյալ հոգեբուժական ծառայություն»: Նախարարը հանձնարարեց խիստ հսկողության ներքո պահել թե՛ անվտանգության հարցերը` սկսած բժշկական օգնությունից մինչև հակահրդեհային համակարգ, թե՛ ճաշացանկը` ներառյալ սննդի պահպանման ժամկետներն ու կալորիականությունը։ Պահանջվեց մշտապես ուշադրության կենտրոնում պահել դեղերի շրջանառությունը, գրանցամատյանների վարումը, կարգուկանոնի ապահովումը, կադրային և մյուս…

կարդալ



Դեղերը պետք է լինեն արդյունավետ, անվտանգ ու որակյալ

ՀՀ առողջապահության նախարարությունում դեղերի ոլորտին վերաբերող հերթական քննարկումը նվիրված էր ՀՀ Ազգային ժողովի կողմից հունիսի 21-ին ընդունված ««Առևտրի և ծառայությունների մասին» ՀՀ օրենքում լրացում կատարելու մասին» ՀՀ օրենքի առթիվ առկա տաբեր մոտեցումներին։ Օրենքում ամրագրված պահանջներից մեկն այն է, որ Հայաստանում արտադրվող և ներմուծվող դեղամիջոցները պարտադիր պետք է դրոշավորվեն։

Դեղ արտադրողների և ներմուծողների միությունը մտահոգություն էր հայտնել, որ դա տնտեսվարողների համար կստեղծի մի շարք խոչընդոտներ և ռիսկեր։ Մասնավորապես մատնանշվում էին լրացուցիչ տարածքների, ծախսերի և աշխատանքի անհրաժեշտությունը։ Որպես խնդիր էր ներկայացվում նաև դեղատներում դեղերի ոչ միայն տուփերով, այլև շատ դեպքերում հաբերով ու սրկվակներով վաճառքը։ Այս ամենը հաշվի առնելով, ԴԱՆ միությունը տեսակետ էր հայտնել, որ դեղերի պարտադիր դրոշմավորման նորմի կիրարկումը կարող է հանգեցնել դեղերի գնի որոշակի աճի։

Կարծիք հնչեց, որ ներկրումը կատարվում է ոչ մեծ չափաբաժիններով և դրոշմավորումն առանց մեծ դժվարությունների հնարավոր է իրականացնել օգտագործվող պահեստում և լրացուցիչ նոր տարածքների կարիք չի առաջանա։

կարդալ



Աշխեն Մկրտչյանի մասին ֆիլմ

Ֆիլմը Աշխեն Մկրտչյանի մասին է,

կարդալ



Քննարկումներ

ՀՀ առողջապահության նախարար Արմեն Մուրադյանի մասնակցությամբ շարունակվում են «Դեղերի մասին» ՀՀ նոր օրենքի նախագծի հիմնարար սկզբունքների քննարկումները։ Օրակարգային հերթական թեման դեղերի գների պետական կարգավորման դրույթն էր։

Դեղերի և բժշկական տեխնոլոգիաների փորձագիտական կենտրոնի տնօրեն Հակոբ Թոփչյանը և փոխտնօրեններ Լիլիթ Ղազարյանն ու Ալբերտ Սահակյանը ներկայացրեցին աշխարհի տարբեր երկրներում դեղերի գնի կարգավորման մեխանիզմները։ Նշվեց, որ եվրոպական բոլոր երկրներում պետությունը կարգավորում է դեղերի գները։ Օրինակ, բավական բարձր կենսամակարդակ ունեցող Ավստրիան կարգավորում է երկրում գրանցված բոլոր դեղերի գները։ Շատ երկրներում կարգավորվում են միայն հիմնական դեղերի ցանկում ընդգրկված դեղերը, որոնք անհրաժեշտ են բնակչության առողջապահական առաջնային կարիքները բավարարելու համար։ Դրան հակառակ, ԱՄՆ-ում դեղի շուկան լիովին ազատականացված է և պետությունը որևէ կերպ չի միջամտում դեղերի գնագոյացմանը։ Փոխարենն ինչպես այս, այնպես էլ եվրոպական երկրներում դեղերի գինը փոխհատուցվում է պետական պարտադիր կամ մասնավոր ապահովագրական ընկերությունների կողմից։

Դեղերի գնի կարգավորման տարբեր մեխանիզմներ ու մոտեցումներ են կիրառվում։ Շատ տեղերում գործում է ռեֆերենս գնի հաստատման մեխանիզմը։ Երկիր մտնելիս` դեռ սահմանի վրա, ֆիքսվում է դեղի գինը` հիմք ընդունելով նույն կենսամակարդակի կամ աշխարհագրորեն մոտ 2-7 երկրի միջին գինը։ ԱՊՀ երկրներից միայն Ղրղըզստանը, Տաջիկստանը և Հայաստանը որևէ կերպ չեն կարգավորում դեղերի գները։ Հայաստանում տարեկան ավելի քան 2,5 մլրդ դրամի արժողությամբ 41 անուն դեղորայք ձեռք է բերվում կենտրոնացված գնումներով և անհատույց բաշխվում ՀՀ…

կարդալ



Կսահմանվեն դատաբժշկական փորձաքննությունների միասնական կանոններ

ՀՀ առողջապահության նախարարության բժշկական օգնության քաղաքականության և իրավաբանական վարչությունների մասնագետները մշակել են «Առողջությանը պատճառված վնասի ծանրությունը պարզելու նպատակով նշանակված դատաբժշկական փորձաքննության իրականացման կարգը և տարբեր վնասվածքների հետևանքով առաջացած ընդհանուր աշխատունակության կայուն կորստի տոկոսները հաստատելու մասին» Հայաստանի Հանրապետության կառավարության որոշման նախագիծը։

Նախագծի հերթական քննարկումը տեղի ունեցավ ՀՀ առողջապահության նախարար Արմեն Մուրադյանի մոտ:

ՀՀ առողջապահության նախարարության դատաբժշկության գծով գլխավոր մասնագետ Մհեր Բիշարյանը նշեց, որ նախագծի ընդունումը բխում է ներկայումս գործող դատաբժշկական փորձաքննության անցկացման երկընտրելի չափորոշիչները վերանայելու անհրաժեշտությունից և ՀՀ գլխավոր դատախազի տեղակալի միջնորդությունից: Նրա խոսքով` իրավական ակտի ընդունման արդյունքում հնարավորություն կստեղծվի նվազագույնի հասցնել կրկնակի, լրացուցիչ և հանձնաժողովային փորձաքննությունների նշանակումը և անցկացումը, ինչը կբացառի նշված աշխատանքների համար ժամանակի անարդյունավետ վատնումը, չարդարացված ֆինանսական լրացուցիչ ծախսերը, ինչպես նաև քրեական գործերի նախաքննության ժամկետների ձգձգումը: 

կարդալ



Քննարկվեցին դեղերի գովազդի և կլինիկական հետազոտությունների նոր օրենքի նախագծով նախատեսվող սկզբունքնե

ՀՀ առողջապահության նախարար Արմեն Մուրադյանի մասնակցությամբ շարունակվում են «Դեղերի մասին» ՀՀ օրենքի նախագծի քննարկումները։ Մասնագիտական խորհրդակցությունների առաջին օրն անդրադարձ կատարվեց դեղերի գովազդին, այնուհետև քննարկվեցին դեղերի կլինիկական հետազոտությունների վերաբերյալ հոդվածները:

Դեղերի և բժշկական տեխնոլոգիաների փորձագիտական կենտրոնի փոխտնօրեն Լիլիթ Ղազարյանը նշեց, որ դեղի գովազդը տեղեկատվության տարածումն է դրա նշանակումը, մատակարարումը, իրացումը, կիրառումը և սպառումը խթանելու նպատակով։ Այն կոչված է դեղի նկատմամբ հետաքրքրություն ձևավորելուն կամ պահպանելուն:

Լիլիթ Ղազարյանը ներկայացրեց Հայաստանում և արտերկրում դեղերի գովազդի կարգավորման մեխանիզմները, դրանց իրավական և էթիկական կողմերը: Մասնագետը նշեց, որ դեղերի օրենսդրական կարգավորման ամերիկյան մոդելով թույլատրվում է բոլոր դեղերի հանրային գովազը, մինչդեռ եվրոպական մոդելի կիրառման դեպքում զանգվածային լրատվամիջոցներով թույլատրվում է միայն առանց դեղատոսմի բաց թողնվող դեղերի գովազդը: 

կարդալ



Օգոստոսի 1-ից սայտոտեկը` միայն դեղատոմսով

Օգոստոսի 1-ից սայտոտեկը դեղատներից բաց կթողնվի միայն դեղատոմսով։ Այդ մասին նախարարությունը տեղեկացրել է դեղատնային գործունեությամբ զբաղվող բոլոր տնտեսվարողներին։

Նման որոշման առիթ են հանդիսացել հղիության ժամանակ դեղի օգտագործումից առաջացած բարդությունները` արյունահոսություններ, թերի վիժում, պոստհեմոռագիկ անեմիաներ, չբերություն, ընդհուպ` անբարենպաստ ելք։

Հաշվի առնելով Միզոպրոստոլ (Սայտոտեկ, Միրոլյուտ) դեղի դեղաբանական ցուցման, հակացուցման, նշանակման, իրացման, փոխարինելիության առանձնահատկությունները, ինչպես նաև հղիության ժամանակ դեղի օգտագործումից առաջացած բարդությունները` 2014 թվականի օգոստոսի 1-ից դրա բացթողումն իրականացնել բժշկի նշանակման համաձայն` դեղատոմսով: Միզոպրոստոլ (Սայտոտեկ, Միրոլյուտ) դեղն ընդգրկված է «Դեղատոմսով բաց թողնվող դեղերի ցանկում», որոնք ամբուլատոր հիվանդների համար դուրս են գրվում ՀՀ կառավարության 14.08.2001թ. N 759 որոշմամբ հաստատված N 3 դեղատոմսային ձևաթղթով, որը նախատեսված է սովորական դեղերի համար: 

կարդալ



Հայաստանի հոգեբուժական կենտրոններում հսկողությունը խստացվելու է

«Ավան» հոգեկան առողջության կենտրոն, «Նուբարաշեն» հոգեբուժական կենտրոն, «Նորք» հոգեբուժական կենտրոն, «Սևանի հանրապետական հոգեբուժական հիվանդանոց» Փակ բաժնետիրական ընկերություններում դեղերի ոլորտը կարգավորող օրենսդրության պահանջներին համապատասխանությունը պարզելու նպատակով ՀՀ առողջապահության նախարար Արմեն Մուրադյանի հրամանով ստեղծվել է հանձնաժողով:

Հանձնաժողովը մեկշաբաթյա ժամկետում նշված հոգեբուժական կենտրոններում կիրականացնի ուսումնասիրություններ, ուսումնասիրությունների արդյունքները և համապատասխան առաջարկությունները կներկայացնի ՀՀ առողջապահության նախարարին: Այս մասին NEWS.am Medicine-ին հայտնել են առողջապահության նախարարության մամլո ծառայությունից:

ՀՀ առողջապահության նախարարության մասնագիտական հանձնաժողովը ուսումնասիրությունները սկսել է իրականացնել «Սևանի հանրապետական հոգեբուժական հիվանդանոցից:

կարդալ



Օգոստոսի 1-ից սայտոտեկը` միայն դեղատոմսով

Օգոստոսի 1-ից սայտոտեկը դեղատներից բաց կթողնվի միայն դեղատոմսով։ Այդ մասին նախարարությունը տեղեկացրել է դեղատնային գործունեությամբ զբաղվող բոլոր տնտեսվարողներին։

Նման որոշման առիթ են հանդիսացել հղիության ժամանակ դեղի օգտագործումից առաջացած բարդությունները` արյունահոսություններ, թերի վիժում, պոստհեմոռագիկ անեմիաներ, չբերություն, ընդհուպ` անբարենպաստ ելք։

Հաշվի առնելով Միզոպրոստոլ (Սայտոտեկ, Միրոլյուտ) դեղի դեղաբանական ցուցման, հակացուցման, նշանակման, իրացման, փոխարինելիության առանձնահատկությունները, ինչպես նաև հղիության ժամանակ դեղի օգտագործումից առաջացած բարդությունները` 2014 թվականի օգոստոսի 1-ից դրա բացթողումն իրականացնել բժշկի նշանակման համաձայն` դեղատոմսով: Միզոպրոստոլ (Սայտոտեկ, Միրոլյուտ) դեղն ընդգրկված է «Դեղատոմսով բաց թողնվող դեղերի ցանկում», որոնք ամբուլատոր հիվանդների համար դուրս են գրվում ՀՀ կառավարության 14.08.2001թ. N 759 որոշմամբ հաստատված N 3 դեղատոմսային ձևաթղթով, որը նախատեսված է սովորական դեղերի համար: 

կարդալ



էջ 1 / 21 -ից  1 2 3 >  Last »
 
{title}
 

Նորություններ

Բժշկական օգնություն և սպասարկում` Հայոց ցեղասպանությունը վերապրած Երևանի 8 բնակչի

Մեծ Եղեռնի 100-րդ տարելիցին նվիրված միջոցառումների շրջանակում ՀՀ առողջապահության նախարարության համակարգող խորհուրդը բժշկական օգնություն և սպասարկում է տրամադրել Հայոց ցեղասպանությունը վերապրած Երևանի 8 բնակչի: Այս մասին տեղեկանում ենք ԱՆ լրատվական ծառայությունից:

կարդալ

Մանկապարտեզներում պետք է սահմանել վերահսկողություն անորակ խաղալիքների նկատմամբ

Երեխաների համար նախատեսված պլաստիկե խաղալիքներում պարունակվող թունավոր նյութերը կարող են հանգեցենել փոքրիկների վաղաժամ հասունացման: Այդ մասին այսօր լրագրողների հետ հանդիպման ժամանակ հայտարարեց մանկաբույժ-ալերգոլոգ Աստղիկ Բաղդասարյանը՝ ընդգծեոլվ, որ երեխաների համար վաճառվող…

կարդալ

Բրուցելոզով հիվանդների վիճակը գնահատվում է թեթև և միջին ծանրության. ԱՆ

Կապանի բժշկական կենտրոնի ինֆեկցիոն բաժանմունքում շարունակվում է բրուցելոզով 15 հիվանդի բուժումը (ընդամենը հայտնաբերվել է 17 հիվանդ, որից 2-ը դուրս են գրվել): Բոլոր հիվանդների վիճակը գնահատվում է թեթև և միջին ծանրության։ Նրանց բուժումը կազմակերպվում է պետական պատվերի շրջանակում,…

կարդալ



Իրադարձություններ

“Մարդու իրավունքները բուժօգնություն ստանալիս” թեմայով դասընթացի հրավեր

“Իրավունքի զարգացման կենտրոն” հասարակական կազմակերպությունը հրավիրում է իրավաբանների համար նախատեսված «Մարդու իրավունքները բժշկական օգնություն և սպասարկում ստանալիս» վերտառությամբ դասընթացին, որը կկայանա սույն թվականի հունիսի 9-ին, ժամը՝ 13:00-ին, ԵՊՀ իրավագիտության…

կարդալ

Քննարկում “Հասարակական կազմակերպությունների դատավարական իրավասուբյեկտությունը” թեմայով

ԵՊՀ իրավագիտության ֆակուլտետի Սահմանադրական իրավունքի ամբիոնը կազմակերպում է սեմինար-քննարկում <ՙ<Հասարակական կազմակերպությունների դատավարական իրավասուբյեկտությունը>> թեմայով:

Վեջինս տեղի կունենա սույն թվականի մարտի 6-ին, ժամը 12:00-ին ԵՊՀ իրավագիտության ֆակուլտետի…

կարդալ




 

Practitioner Guide
 

Իրավական ակտեր


Մարդու իրավունքների եւ հիմնարար ազատությունների պաշտպանության մասին կոնվենցիան ընդունվել է 1950թ. նոյեմբերի 4-ին, Հռոմում և հետագայում փոփոխվել 11-րդ արձանագրությամբ:

Բառարան


Այս հռչակագիրը, որն աշխարհի տարբեր անկյուններում հաստատել են 24 ոչ կառավարական կազմակերպություններ եւ ցանցեր, հաստատում է, որ այժմ՝ ավելի, քան…

Անցուդարձ


“Իրավունքի զարգացման կենտրոն” հասարակական կազմակերպությունը հրավիրում է իրավաբանների համար նախատեսված «Մարդու իրավունքները բժշկական օգնություն և սպասարկում ստանալիս» վերտառությամբ դասընթացին, որը…

Բաժանորդագրում

Մուգքագրեք Ձեր էլ. փոստի հասցեն

FAQ

ԵՊՀ  ԻՐԱՎԱԲԱՆԱԿԱՆ ԿԼԻՆԻԿԱ
-Անվճար իրավաբանական օգնություն - Խորհրդատվությունը երեքշաբթի-ուրբաթ օրերին, ժամը 9:30-14:30, Հասցե` Ալեք Մանուկյան 1, իրավագիտության ֆակուլտետ, Հեռ. 010578137