Կայքի թարմացումը` 09-04-2014 space

PG

 

  • text size Decrease font Middle font Enlarge font Extralarge font
 

Հանրամատչելի գործնական ուղեցույց պալիատիվ օգնության կարիք ունեցող անձանց համար

“Մարդու իրավունքները բուժօգնություն ստանալիս” շարքի հերթական բրոշյուրը այժմ հասանելի է էլեկտրոնային տարբերակով:
Պալիատիվ օգնության կարիք ունեցող անձանց համար հանրամատչելի գործնական ուղեցույցը կարող եք ներբեռնել այստեղ :

կարդալ



Դաունի համախտանիշի միջազգային օրն է

Աշխարհում ամեն տարի 3000-5000 երեխա ծնվում է Դաունի համախտանիշով: ՄԱԿ-ի նախաձեռնությամբ այս օրը նշվում է 2012 թվականից` Դաունի համախտանիշով ապրող մարդկանց խնդիրները բարձրաձայնելու, հասարակությունում նրանց դերը կարևորելու նպատակով:

Դաունի համախտանիշի միջազգային օրվա 2014 թվականի խորհրդանիշը երեք զույգ գուլպաներն են` շերտավոր, գույնզգույն, որոնք նման են քրոմոսոմների: Նրանք, ովքեր ուզում եմ իրազեկման միջոցառումներ կազմակերպել, կարող են հագնել երեք զույգ գուլպա և բացատրել ինչու են դա անում: Անհրաժեշտ է բարձրացնել հասարակության տեղեկացվածությունը Դաունի համախտանիշի նկատմամբ և բարելավել այն ունեցող երեխաների կյանքի որակը:

21 թիվը պատահական չի ընտրվել. 21-րդ ավելորդ քրոմոսոմն է, որ առաջացնում է այս համախտանիշը:

կարդալ



Հիվանդների մահվան պատճառ դարձած բժիշկ-տնօրենը խնդրում է իրեն արդարացնեկ

“Ժամանակ"-ը գրում է, որ վերաքննիչ քրեական դատարանում երեկ հետաձգվել է «Արմավիր» բժշկական կենտրոնի տնօրեն Նշան Գևորգյանի գործով վերաքննիչ բողոքների քննությունը:
Ըստ դատական ակտի՝ 2010թ. դեկտեմբերի 4-ի լույս 5-ի գիշերը Այգեվան գյուղի բնակիչ Վռամ Խ.-ն վատ է զգացել: «Արմավիր» բժշկական կենտրոն զանգահարած նրա հարազատներին նշված բժշկական կենտրոնի շտապօգնության կայանից պատասխանել են, որ համապատասխան բուժօգնություն չեն կարող ցուցաբերել՝ պատճառաբանելով, որ բենզին չունեն և առանց հարգելի պատճառի հիվանդին այցելել չեն կարող: Արդյունքում՝ հիվանդը հիվանդանոց է տեղափոխվել վերջինիս որդու ավտոմեքենայով և ճանապարհին մահացել է:

կարդալ



Բաշխվել է ինսուլինի և հակադիաբետիկ հաբերի հերթական խմբաքանակը

ՀՀ առողջապահության նախարարությունը 2014 թվականի մարտի 6-ին հանրապետության բուժհաստատություններին հատկացրել է ինսուլինի և հակադիաբետիկ հաբերի հերթական խմբաքանակը։ Նախարարի կողմից հաստատված հրամաններով Երևանի և մարզերի բժշկական բոլոր հաստատություններին հատկացվել է ինսուլինի և հակադիաբետիկ հաբերի բաշխացուցակը` մեկ ամսվա կտրվածքով:

Այդպիսով, շաքարային դիաբետով հիվանդները կապահովվեն անհրաժեշտ քանակությամբ ինսուլինով և հակադիաբետիկ հաբերով։ Հիշեցնենք, որ բուժհաստատություններն իրենց մոտ հաշվառված հիվանդներին անհրաժեշտ քանակի ինսուլինային սրվակները և հակադիաբետիկ հաբերը պետք է ստանան Մարդասիրական օգնության հանրապետական կենտրոնից։

Նախարարությունը Հայաստանի Հանրապետությունում հաշվառված շաքարային դիաբետով հիվանդներին, մատակարարման անխափանությունն ապահովելու նպատակով, հորդորում է տեղերում դեղի հատկացման գործում խոչընդոտների հանդիպելու դեպքում ահազանգել ՀՀ ԱՆ «Թեժ գիծ» ծառայություն` 010-52-88-72 հեռախոսահամարով։

կարդալ



“Դեղերի մասին”, “Պետական տուրքի մասին” և մի շարք այլ օրենքներում փոփոխությունների նախագիծ

ՀՀ Առողջապահության նախարարությունը հրապարակել է մի շարք օրենքներում փոփոխություններ կաատարելու արձանագրային նախագիծը:

Նախագծին կարող եք ծանոթանալ հետևելով այս հղմանը.

http://moh.am/OrenqMshakum/DEXER_17%2009%202013.pdf

կարդալ



Ձորաղբյուր համայնքում բրուցելոզի համաճարակային իրավիճակի մասին

2014 թվականի մարտի 3-ին ՀՀ ԳՆ սննդամթերքի անվտանգության պետական ծառայությունից տեղեկատվություն է ստացվել, որ Հայաստանի Հանրապետությունում «Գյուղատնտեսական կենդանիների պատվաստում» ծրագրի շրջանակներում իրականացվող աշխատանքների ընթացքում Կոտայքի մարզի Ձորաղբյուր համայնքի առանձին բնակիչների տնտեսություններում (թվով 17) արձանագրվել է խոշոր եղջերավոր կենդանիների բրուցելոզ հիվանդության դեպքեր (թվով 36 գլուխ՝ լաբորատոր հետազոտությունների արդյունքում):

ՀՀ ԱՆ մասնագետների կողմից տեղեկատվությունը ստանալուց անմիջապես հետո տեղում կազմակերպվել է համաճարակաբանական հետազոտություն վերը նշված 17 տնտեսությունում (93 անձանց շրջանում հարցում, դիտարկում և այլն), իրականացվել է գրեթե 77 անձի արյան նմուշառում, ովքեր շփվել են հիվանդ կենդանիների հետ և նրանց նկատմամբ սահմանվել է բժշկական հսկողություն: Արձանագրվել է բրուցելոզով մեկ հիվանդ, որի տնտեսությունում եղել է հիվանդ կով և սպանդի է ենթարկվել: Հիվանդն առողջացումով դուրս է գրվել «Նորք» ինֆեկցիոն հիվանդանոցում բուժում ստանալուց հետո: Լաբորատոր հետազոտությունները շարունակվում են, մյուս անձանց վերջնական ախտորոշումը պարզ կլինի կրկնակի հետազոտությունների արդյունքում (քանի որ հնարավոր է բրուցելոզով վարակվածների մոտ հիվանդության զարգացման արդյունքում հակամարմինների տիտրի աճ գրանցվի):

Բնակչության շրջանում իրականացվել է բժշկահիգիենիկ գիտելիքների տարածում և առողջ ապրելակերպի քարոզչություն՝ բրուցելոզի կանխարգելման հարցերի վերաբերյալ:

կարդալ



Հոգեբուժության ոլորտում նոր ծրագրեր կմշակվեն

ՀՀ առողջապահության նախարար Դերենիկ Դումանյանն «Ավան» հոգեկան առողջության կենտրոն կատարած այցի ընթացքում հոգեբուժության ամբիոնում զրույցի բռնվելով Երևանի Մ. Հերացու անվան պետական բժշկական համալսարանի 5-րդ կուրսի ուսանողների հետ, խորհուրդ տվեց ընտրել հոգեբույժի մասնագիտություն` նշելով, որ ոլորտում երիտասարդ, առաջադեմ մտածելակերպով երիտասարդ մասնագետներ են անհրաժեշտ` ծառայությունը նոր հիմքերի վրա դնելու համար։ Ավելացրեց, որ աշխարհում տարեցտարի ավելի է կարևորվում հոգեբույժի, հոգեբանի մասնագիտությունը և ՀՀ առողջապահության նախարարությունը նույնպես այս ոլորտում համաշխարհային կազմակերպությունների հետ նոր ծրագրեր և աշխատանքներ է տանում։ Որպես օրինակ` ներկայցրեց վերջերս Սոցիալական հոգեբուժության համաշխարհային ասոցիացիայի նախագահի հետ ստորագրված հուշագիրը։

Այնուհետև կենտրոնի բժիշկների հետ հանդիպման ժամանակ Դերենիկ Դումանյանն առաջին հերթին շնորհավորեց կին բուժաշխատողների տոնը` մաղթելով ամուր առողջություն և հաջողություններ։

«Անցած տասը տարվա փորձը ցույց տվեց, որ միավորումը ոչ միայն չնպաստեց հոգեբուժական կլինիկաների և ծառայությունների բարելավմանը, այլև նոր խնդիրներ ի հայտ բերեց, ինչն էլ «Հոգեբուժական բժշկական կենտրոն» ընկերության վերակազմակերպման հիմք հանդիսացավ։ Նոր իրադրությունը նոր պահանջներ է թելադրում։ Ձեր կոլեկտիվը լավ ավանդույթներ ու կադրային խոստումնալից ներուժ ունի, և վստահ եմ, որ ճանապարհներ կգտնի դրանք հաղթահարելու համար»,-ասաց նախարարը։ Նա գլխավոր հոգեբույժ Սամվել Թորոսյանին և տնօրենի պաշտոնակատար Արմեն Սողոյանին հանձնարարեց կոլետիվի հետ զարգացման ծրագիր մշակել։

կարդալ



Կապանի պետական բժշկական քոլեջը նոր ուսումնական տարին կսկսի նորություններով

Գալիք ուսումնական տարին Կապանի պետական բժշկական քոլեջը կսկսի նորամուծությամբ։ Ուսումնական հաստատության բոլոր դիմորդները առաջին տարին կսովորեն անվճար հիմունքներով,- նշեց հաստատության տնօրենը։ Մինչ նոր ուսումնական տարին սկսելը նաև հնարավոր է, որ միջին մասնագիտական կրթություն ստանալու համար բոլոր դիմորդները սովորեն առանց ուսման վարձի։ Դա պայմանավորված է նրանով, որ Կրթության մասին օրենքում պետք է փոփոխություններ մտցվեն։ 12-ամյա կրթությունը պետք է դառնա պարտադիր։

Օրենքի փոփոխության ընդունումուց հետո Կառավարության, ֆինանսների նախարարության և 2013թ. ուսումնական հաստատության լիազոր մարմին դարձած Կրթության և գիտության նախարարության կողմից կներկայացվի ծրագիր, ըստ որի միջին մասնագիտական կրթություն ստացողների համար նախատեսված գումարը կփոխանցվի համապատասխան ուսումնական հաստատություն,- պարզաբանում է Ռոմա Սարգսյանը։

Բժշկական քոլեջի տնօրենը նաև վստահեցրեց, որ անվճար սովորելուց բացի ուսանողները ստանալու են կրթաթոշակ։

կարդալ



Նախարարի հանձնարարությամբ վարույթ է հարուցվել

«Սևան» բժշկական կենտրոնի շտապօգնության ծառայության միջադեպի կապակցությամբ ՀՀ առողջապահության նախարար Դերենիկ Դումանյանի հանձնարարությամբ վարույթ է հարուցվել դեպքն ուսումնասիրելու նպատակով:

ՀՀ առողջապահության նախարարության աշխատակազմի արտահիվանդանոցային բուժօգնության բաժնի պետ Ռուզաննա Յուզբաշյանը միջադեպի կապակցությամբ զրուցել է «Սևան» բժշկական կենտրոնի տնօրենի պաշտոնակատար Յուրա Մարգարյանի, մարզի առողջապահական բաժնի պետ Մհեր Այվազյանի հետ:

Ըստ նախնական տեղեկատվության` շտապօգնության ծառայության դիսպետչերի կողմից թույլ է տրվել խախտում (ՀՀ առողջապահության նախարարի 24.07.2013թ. N 39-Ն հրամանի 8-րդ կետ), որի համաձայն բոլոր այն դեպքերում, երբ տրված կանչը հնարավոր է սպասարկել ամբուլատոր-պոլիկլինիկական կազմակերպությունում, որտեղ գրանցված է պացիենտը, ապա դիսպետչերի խորհրդատվությունից հետո կանչը հեռախոսազանգով փոխանցվում է ամբուլատոր-պոլիկլինիկական կազմակերպությանը:

կարդալ



Եվրոպան եւ մենք. Արժանապատիվ կյանք՝ մինչեւ վերջին պահը

Պալիատիվ բուժմանը Հայաստանում առայժմ տրվում են պալիատիվ լուծումներ Կյանքում լինում են իրավիճակներ, որոնք ընդունված է «անհույս» համարել: Այդպիսի իրավիճակներ են առաջանում նախեւառաջ բժիշկների հետ շփումներում: Շատերն են, ցավոք սրտի, լսել հետեւյալ դատավճիռը. «Վերջ, մենք էլ ոչնչով չենք կարող օգնել, էլ մի տանջեք ձեր հիվանդին, տարեք տուն, թող մեռնի»: Գործնականում դա նշանակում է, որ բժշկությունն այլեւս անզոր է, հիվանդանոցը ոչ մի շահ չունի նման հիվանդին պահելու, եւ բժշկական հաստատությունները, այսպես ասած, «ձեռքերը լվանում» են նրանից:

Նման մոտեցումը, որքան հասկանում եմ, միանգամայն համապատասխանում է բժշկության անտիկ տեսություններին եւ, մասնավորապես, Հիպոկրատի ուսմունքին, որի համաձայն՝ մահկանացուն չպիտի կասկածի այն դատավճռի վերաբերյալ, որը հաստատել են աստվածները: Պարզ է, որ քրիստոնեական ուսմունքը նման դաժան մոտեցում չի կարող ցուցաբերել, եւ մեր թվարկության առաջին իսկ դարերից սկսած՝ նպաստում էր նրան, որ բժիշկները եւ հիվանդի հարազատները շարունակեն հոգ տանել մահացող մարդու մասին՝ հնարավորինս մեղմացնելով նրա հոգեբանական եւ ֆիզիկական ցավերը: Խոսքն, իհարկե, նախեւառաջ օնկոլոգիական հիվանդների մասին է:

Այսօր աշխարհում լայն տարածում է գտել, այսպես կոչված, «պալիատիվ բուժումը», որը դարձել է բժշկության մի առանձին ճյուղ՝ իր առանձնահատուկ մասնագետներով՝ թե՛ բուն բժշկության եւ թե՛ հոգեբանության բնագավառներում: «Pallium» լատիներենից թարգմանած նշանակում է «ծածկոց», «թիկնոց»: Ընդհանրապես, երբ մենք ասում ենք «պալիատիվ լուծում», նկատի ունենք կիսատ-պռատ, ոչ արմատական, ժամանակավոր միջոցառումների շարք,…

կարդալ



Պոլիկլինիկաներում համավճար կկիրառվի հուլիսի 1-ից

ՀՀ առողջապահության նախարար Դերենիկ Դումանյանը, խորհրդակցելով Երևանի քաղաքապետ Տարոն Մարգարյանի հետ, որոշում կայացրեց Երևանում ամբուլատոր-պոլիկլինիկական օղակում լաբորատոր- գործիքային հետազոտությունների համավճարի ներդրման մասին հրամանի կիրառումը հետաձգել մինչև հուլիս։

Այս ընթացքում հանրության շրջանում բացատրական ավելի լայն աշխատանքներ կտարվեն, առավել հստակ մեխանիզմներ կմշակվեն, կնախատեսվեն զեղչային ճկուն սկզբունքներ, շահառուները կիրազեկվեն իրենց իրավունքների և պարտականությունների մասին։ Միաժամանակ, կնախապատրաստվեն առաջնային օղակի բուժաշխատողները։

Նախարարությունը ևս մեկ անգամ հանգամանալից կվերլուծի ներդրվող համակարգը, որպեսզի այն որևէ կերպ չանդրադառնա ոչ միայն սոցիալապես անապահով և հատուկ խմբերում ընդգրկվածներն, այլև բոլոր ոչ վճարունակ շահառուներին։

կարդալ



Հղիության ախտաբանության համավճար չի կիրառվի

ՀՀ առողջապահության նախարարի հրամանով հղիության ախտաբանության համավճար չի կիրառվի` հաշվի առնելով հղիության ախտաբանության ստացիոնար բուժման համավճարի ներդրման մեխանիզմների հստակեցման անհրաժեշտությունը:

“Նշենք, որ հարցը քննարկվել է նաև բժշկական օգնության որակի և կոռուպցիոն ռիսկերի վերահսկման նպատակով ստեղծված հանձնաժողովի նիստում, որի ընթացքում ևս առաջարկվեց հստակեցնել հղիության ախտաբանության համավճարի ներդրման մեխանիզմները:

Միաժամանակ տեղեկացնում ենք, որ մարտի 8-ից մինչև ապրիլի 7-ը հայտարարված կանանց առողջության պահպանման միամսյակի ընթացքում ամբուլատոր պոլիկլինիկական օղակում լաբորատոր-գործիքային հետազոտությունների համար ներդրված համավճարը կանանց համար չի գործի: Այդ օրերին ինչպես մայրաքաղաքի, այնպես էլ մարզային բազմաթիվ բժշկական կազմակերպություններում կիրականացվեն մանկաբարձագինեկոլոգիական և նեղ մասնագիտական անվճար խորհրդատվություններ, հետազոտություններ, իսկ անհրաժեշտության դեպքում` նաև բուժում և վիրահատություն։

կարդալ



Մամլո հաղորդագրություն

Փետրվարի 27-ին հայտնի դարձավ, որ առողջապահության ոլորտում մարտի 1-ից մի շարք ծառայություններ, որոնք այժմ անվճար էին, կդառնան վճարովի: Այդ թվին են պատկանում պոլիկլինիկաներում իրականացվող բուժզննումները և հղիության ընթացքում առաջացած բարդություններից հիվանդանոցային պայմաններում կատարվող բուժումները:
Եվ եթե պոլիկլինիկաներում հետազոտություններն ու անալիզները կարժենան 500-ից 1000 դրամ, ապա հղիները հիվանդանոցային բուժման յուրաքանչյուր օրվա համար ստիպված կլինեն վճարել օրական 5000 դրամ:

Փետրվարի 28-ին, ժամը՝ 13:00-ին, «Ձեռքերդ հեռու՛ հղիների գրպաններից» Նախաձեռնության մի շարք քաղաքացիներ, Առողջապահության նախարարության շենքի առջև՝ բողոքի ակցիա են կազմակերպում: Նպատակն է ոլորտի պատասխանատուներին ցույց տալ քաղաքացիների դժգոհությունը սույն որոշման վերաբերյալ և պահանջելու կասեցնել այն:

կարդալ



Պոլիկլինիկաներում էլ մարտի մեկից պետք է վճարել

Մարտի 1-ից սկսած ամբուլատոր պոլիկլինիկական հաստատություններում ոչ բոլոր ծառայությունները կլինեն անվճար: Հատուկ խմբերում չընդգրկված քաղաքացիներն այդուհետ ստիպված կլինեն վճարել լաբորատոր ծառայությունների դիմաց:

Նշված ծառայությունների դեպքում կկիրառվի համավճար. գումարի մի մասը կվճարի պետությունը, մյուս մասը` քաղաքացին: Մարտի 1-ից մեկ այլ նորամուծություն է կիրառելու. պետպատվերով բուժման իրավունք ունեցողներին կտրամադրվեն այդ իրավունքը հավաստող իրազեկման թերթիկներ:

Հասկանալի է, որ ամբուլատոր ծառայություններից օգտվում են հիմնականում գյուղական բնակավայրերում, քանի որ ամբուլատորիան համարվում է առողջապահական հաստատությունների առաջին օղակը: Իսկ քաղաքներում դրանք արդեն պոլիկլինիկաներն են, որոնցից օգտվում են ինչպես առաջին, երկրորդ, երրորդ կարգի հիվանդները, այնպես էլ «Փարոս» համակարգում ընդգրկվածներն ու խոցելի խմբերը: Եթե որոշ ծառայություններ վճարովի դառնան, ի՞նչ ազդեցություն սա կթողնի հատկապես իր աղքատությամբ աչքի ընկնող Շիրակի մարզի բնակչության վրա:

կարդալ



«Մարդիկ սովոր էին այդ գումարները վճարել, մենք ընդամենը գրպանից տեղափոխել ենք դրամարկղ»

Այսօր առողջապահության նախարարությունն ասուլիս էր հրավիրել՝ հայտնելու, որ մարտի 8-ից ապրիլի 7-ն ընկած ժամանակահատվածում նախարարի հրամանով՝ կանանց մանկաբարձագինեկոլոգիական եւ նեղ մասնագիտական հետազոտությունները, բուժումն ու վիրահատությունները կանցկացվեն անվճար:

Հիշեցնենք, որ նախարարության մեկ այլ որոշմամբ՝ մարտի 1-ից վճարովի կդառնան նախկինում անվճար մի շարք ծառայություններ, ինչպիսիք են պոլիկլինիկաներում իրականացվող անվճար բուժզննումները եւ հղիության ընթացքում առաջացած բարդությունների բուժումները: Այս որոշումը դեռեւս գործելու է Երեւանի պոլիկլինիկաներում, մարզայինները շարունակում են մնալ անվճար:

Այսինքն՝ մանկաբարձագինեկոլոգիական խնդիրներ ունեցող կամ հղի կանայք այսուհետ պետք է վճարեն լաբորատոր բոլոր հետազոտությունների համար, սակայն մարտի 8-ից ապրիլի 7-ը նրանք ստանում են կանանց տոնի առթիվ նախարարության նվերն ու բուժվում անվճար:

կարդալ



Կոռուպցիոն ռիսկերի վերահսկման աշխատանքները շարունակվում են

ՀՀ առողջապահության նախարար Դերենիկ Դումանյանի մասնակցությամբ բժշկական օգնության որակի և կոռուպցիոն ռիսկերի վերահսկման նպատակով ստեղծված հանձնաժողովը հերթական հանդիպման ժամանակ հաստատեց իր աշխատակարգը, գործառույթների վերաբերյալ հանդես եկավ առաջարկություններով և դիտարկումներով, ինչպես նաև հստակեցրեց հանդիպումների ժամանակացույցը:

Միջազգային և տեղական հասարակական կազմակերպությունների, կրթական հաստատությունների և արհմիությունների ներկայացուցիչներից կազմված հանձնաժողովը հասարակական հիմունքներով գործող խորհրդատվական մարմին է, որը տարբեր հարցերի, մասնավորապես` առողջապահության ոլորտում կոռուպցիոն ռիսկերի գնահատման, վերահսկման և նվազեցման, իրական կոռուպցիոն օղակների և ռիսկերի, դրանց իրական պատճառների և մեխանիզմների, գումարների ոչ նպատակային, անարդյունավետ ծախսման, փոշիացման դեպքերի հայտնաբերման, հաղթահարման մեխանիզմների և տարբերակների մշակման ու իրականացման ուղղություններով հանդես է գալու առաջարկություններով:

Օրակարգում ընդգրկված հարցերի շրջանակում ՀՀ առողջապահության նախարարի տեղակալ Սերգեյ Խաչատրյանը ներկայացրեց առողջապահական հաստատությունների վարկանիշային մակարդակների սահմանման չափանիշները, որոնց հիմքում ընկած են բուժօգնության իրականացման, մատուցվող բժշկական ծառայությունների որակի և անվտանգության, կադրային ներուժի գնահատման, սարքավորումներով հագեցվածության և սպասարկման պայմանների բարելավման, ինչպես նաև ֆինանսատնտեսական գործունեության գնահատման ցուցանիշները:

կարդալ



Փետրվարի 15-ը`երեխաների մոտ քաղցկեղի դեմ պայքարի միջազգային օրն է

Երեխաների մոտ քաղցկեղի դեմ պայքարի միջազգային օրը (ICCD) հռչակվել է 2001 թ.-ին Լյուքսեմբուրգում «Քաղցկեղով երեխաների ծնողների միության» (ICCCPO) կողմից: Միության առաքելությունն է բարելավել քաղցկեղով հիվանդ երեխաների նկատմամբ հոգածությունը և բուժման մատչելիությունն ամբողջ աշխարհում:

ICCCPO-ն հիմնվել է 1994 թ.-ին Իսպանիայում: Այն ունի 118 անդամ-կազմակերպություն 73 երկրից, որոնցից մեկը Հայաստանն է:

Օրվա միջոցառումների նպատակն է գրավել հանրության ուշադրությունը երեխաների` քաղցկեղով հիվանդացության խնդիրներին, կազմակերպել դրամային միջոցների հավաք՝ նրանց բուժմանն աջակցելու նպատակով:

կարդալ



2000 քայլ նախադիաբետով հիվանդների համար

Շաքարախտի առաջացման ճանապարհին գտնվող մարդիկ կարող են զգալիորեն նվազեցնել սրտի կաթվածի եւ ինսուլտի զարգացման ռիկսը՝ մեկ տարվա ընթացքում օրական ընդամենը 20 րոպեով զբոսանքի դուրս գալու միջոցով:

Մեծ միջազգային հետազոտությունը բացահայտեց, որ լրացուցիչ 2000 քայլը մեկ տարվա ընթացքում կարող է 8 տոկոսով նվազեցնել լուրջ սրտային հիվանդությունների զարգացման ռիսկը գլյուկոզայի հանդեպ տոլերանտության խանգարումով (ԳՏԽ) (շաքարախտին նախորդող վիճակ) մարդկանց մոտ, տեղեկացնում է Newsmax Health-ը։

«ԳՏԽ-ով մարդիկ ունեն սիրտ-անոթային հիվանդությունների բարձր ռիսկ»,- ասաց հետազոտությունը գլխավորող Թոմաս Յեյթսը բրիտանական Լեստերի համալսարանից: Նրա թիմը ուսումնասիրել է ԳՏԽ , սրտային հիվանդություններ եւ սիրտ-անոթային հիվանդությունների գոնե մեկ ռիսկի գործոն ունեցող 9,300 հասուն մարդու տվյալները:

կարդալ



Ճարպակալումը բացասաբար է ազդում տղամարդու սերմի որակի վրա

Ավելորդ քաշով եւ ճարպակալումով տղամարդկանց սերմը տուժում է որակապես եւ քանակապես, ցույց է տալիս նոր հետազոտությունը։ Ենթադրվում է, որ քաշի հետ խնդիրները կարող են նույնպես ազդել վերարտադրողանականության վրա։

«Ինչքան գեր է տղամարդը , այնքան մեծ է հավանականությունը ունենալու սպերմատոզոիդների ավել քիչ քանակ», -ասաց ուրոլոգ, բժիշկ Քեյտ Յարվին:

Քալիֆորնիայի Սթենֆորդի համալսարանի բժշկական դպրոցի բժիշկ Մայքլ Այզենբերգը եւ նրա գործընկերները Միչիգանում եւ Տեքսասում հավաքեցին երեխա ունենալ պլանավորոր 468 զույգ, եւ փորձարկեցին տղամարդկային սերմի մի քանի տեսակ:

կարդալ



Չինաստանում հեպատիտի դեմ պատվաստումից հետո մահացել է յոթ երեխա

Չինաստանի Գուանդուն նահանգի Շենչժեն քաղաքում հեպատիտի դեմ պատվաստումից հետո մահացել է յոթ երեխա:

Բոլոր դեպքերում էլ երեխաներին պատվաստել էին Shenzhen Kangtai ընկերության պատրաստած դեղամիջոցով: Ըստ ընկերության ներկայացուցչի` պատվաստումների համար օգտագործվող պատվաստանյութը մահվան պատճառ չէր կարող դառնալ, հայտնում են լրատվամիջոցները: 

կարդալ



Արման Բաբլոյանը նշանակվել է առողջապահության փոխնախարար

Հայաստանի Հանրապետության վարչապետ Տիգրան Սարգսյանի որոշմամբ Արման Բաբլոյանը նշանակվել է Հայաստանի Հանրապետության առողջապահության նախարարի տեղակալ։

Ավելի վաղ NEWS.am-ը հայտնել էր, որ իր տեղեկություններով՝ Քաղաքաշինության փոխնախարար է նշանակվելու Արման Բաբլոյանին, ով ԱԺ պատգամավոր, առողջապահության, մայրության եւ մանկության հարցերի մշտական հանձնաժողովի նախագահ ՀՀԿ-ական Արա Բաբլոյանի որդին է:

Հիշեցնենք, որ Արա Բաբլոյանը եւս նախկինում զբաղեցրել է առողջապահության նախարարի պաշտոնը: 

կարդալ



Պետական պատվե՞ր, թե՞ համակարգված ատկատ

«Բնակչության բժշկական օգնության և սպասարկման մասին» ՀՀ օրենքի և մի շարք այլ իրավական ակտերի համաձայն պետությունը իր վրա է վերցրել որոշակի պարտականություններ` հոգալու հանրապետության առողջապահական կարիքների մի մասը: Այդ կարիքների մեծ մասը, որի համար ի դեպ ծախսվում է պետական առողջապահական բյուջեի մոտ 70%-ը, Հայաստանի բուժհաստատություններին տրվող պետական պատվերն է, որի միջոցով այսպես կոչված «անվճար» բուժօգնություն են ստանում հատուկ խմբերում ընդգրկված անձինք (սոցիալապես անապահով անձինք, հաշմանդամներ, կենսաթոշակառուներ և այլն), ինչպես նաև անվճար կամ համավճարով բուժօգնություն է տրամադրվում բոլոր այն քաղաքացիներին, ովքեր հիվանդացել են հատուկ, հանրային կարևորություն ունեցող հիվանդություններով (անհետաձգելի դեպքեր, վարակիչ հիվանդություններ, նորագոյացություններ, տուբերկուլյոզ, շաքարային դիաբետ և այլն):

Տարեկան մոտ 50 մլրդ դրամ տրամադրվում է հենց այս պետպատվերի սպասարկման համար: Բայց արդյոք այդ միջոցները տեղին են ծախսվում և համամասնորեն են բաշխվում բուժհաստատությունների միջև` ըստ բուժհաստատությունների տեխնիկական և կադրային հագեցվածության, հիվանդներով ծանրաբեռնվածության և մատուցած ծառայությունների որակի: Բուժհաստատությունների հետ կնքված պետպատվերի պայմանագրերի թռուցիկ ուսումնասիրությունը տալիս է այդ հարցի պատասխանը: Եվ այդ պատասխանն է. «Իհարկե ո՛չ»: Կարծում եմ, նոր նախարարի վրա մեծ պատասխանատվություն է ընկած՝ փոխելու մինչև հիմա գործող կարգը, որի հետևանքով զանազան բուժհաստատություններին (պետական և մասնավոր) պետական պատվերի տրամադրման գործընթացը վերից վար թաթախված է կոռուպցիայի մեջ: Պետական պատվերի բաշխմանը կարող եք ծանոթանալ ինտերակտիվ բյուջեի վեբ-կայքից և ինքներդ համոզվել դրանում (https://www.e-gov.am/interactive-budget/):…

կարդալ



Ճապոնացի գիտնականները լեղածորանների քաղցկեղի բուժման նոր մեթոդ են մշակում

Ճապոնացի գիտնականների խումբը գենի նոր մուտացիա է հայտնաբերել լեղածորանների քաղցկեղով հիվանդների մոտ, գրում է ԻՏԱՌ-ՏԱՍՍ-ը: 66 հիվանդների բջիջներից վերցված անալիզների արդյունքներով գիտնականները հայտնաբերել են FGFR գենի մուտացիա:

Այս բացահայտումը թույլ կտա մշակել նոր հակաուռուցքային դեղամիջոց քաղցկեղի այդ տեսակի դեմ պայքարելու համար, ինչը պետք է էապես կատարելագործի բուժման առկա մեթոդները: Բժիշկները ծրագրում են դեղամիջոցի կլինիկական փորձարկումները սկսել հաջորդ տարի: 

կարդալ



Մեկ տարեկան երեխայի մահվան պատճառը թոքաբորբն է եղել. հաստատում է ՀՀ գլխավոր վարակաբանը

Օրեր առաջ Նորք Մարաշի ինֆեկցիոն հիվանդանոցում մեկ տարեկան երեխա է մահացել: Երեխան ցնցումներով տեղափոխվել է հիվանդանոց: Այս մասին գրել է «Գալա»-ն, ում հետ զրույցում երեխայի հարազատներից Անի Գրիգորյանն ասել է, որ նա մահացել է պոլիկլինիկայում սխալ պատվաստման հետևանքով: Մասնավորապես, նա պատմել է, որ երեխայի մայրը պատվաստում կատարած բժշկին` Սոնյա Սուենովնային ասել է, որ պատվաստում չանի, քանի որ երեխան հիվանդ է, սակայն վերջինս չի լսել:

ՀՀ առողջապահության նախարարության գլխավոր վարակաբան Արա Ասոյանը, ով նաև Նորք Մարաշի ինֆեկցիոն հիվանդանոցի տնօրենն է, NewsBook.am-ի լրագրողին վստահեցրեց, որ երեխայի մահվան պատճառը եղել է երկկողմանի թոքաբորբը, այլ ոչ թե պատվաստումը:

«Ինչպես բոլոր քաղաքակիրթ երկրներում, այնպես էլ՝ Հայաստանում ամեն տարի մոտ 30 հազարից ավելի մեկ տարեկան երեխա է պատվաստվում` վտանգավոր ինֆեկցիաների դեմ, որոնցից մեկը դիֆտերիան է: Եկեք տրամաբանենք: Եթե երախայի մահվան պատճառը լիներ պատվաստումը, ապա ստացվում է, որ բոլոր 30 հազաև երեխաները պիտի մահանային»,- ասաց Ասոյան ու բացատրեց, որ պատճառը պետք է փնտրել նաև երեխայի օրգանիզմում:

կարդալ



Շոու լրատվամիջոցների համա՞ր. վթարի ենթարկված շտապօգնության բժշկին նախարարությունը կրկին մոռացել է

Առողջապահության նախարարի տեղակալը եկավ, խոստացավ օգնել ու արդեն մեկ ամիս նորություն չունենք: Այս մասին NEWS.am-ին հայտնեց ապրիլի 19-ին հերթապահության ժամանակ կանչի մեկնելիս վթարի ենթարկված Արմեն Մկրտչյանի կինը` Հասմիկ Հակոբյանը:

«Նախարարի տեղակալի գալուց երկու շաբաթ հետո իբրև բժիշկներ եկան` որպես կոնսիլիում: Ուռոլոգն ասաց, որ մի դեղ կա, որ խմի, կլավանա, բայց էդ դեղը Հայաստանում չի վաճառվում, իսկ նյարդավիրաբույժն էլ ասաց, որ ողնաշարի հետազոտություն պիտի անել, տվեց հեռախոսահամարը, որ զանգենք, պայմանավորվենք: Մեկ ամիս ա զանգում ենք, չի պատասխանում»,- ասաց Հասմիկը:

Հասմիկի խոսքով` կոնսիլիումի բժիշկները ոչ մի հստակ բան չեն ասել. «Փոխնախարարը մեզ խոստացավ, որ Արմենի հիվանդության թղթերն ուղարկելու են Գերմանիա, իսկ Հայաստանում հրավիրելու են կոնսիլիում, որի արդյունքների հիման վրա էլ Արմենին կուղարկեն Գերմանիա բուժվելու: Բայց արդեն երկու շաբաթ ա, լռություն ա»:

կարդալ



էջ 1 / 19 -ից  1 2 3 >  Last »
 
{title}
 

Նորություններ

Հանրամատչելի գործնական ուղեցույց պալիատիվ օգնության կարիք ունեցող անձանց համար

“Մարդու իրավունքները բուժօգնություն ստանալիս” շարքի հերթական բրոշյուրը այժմ հասանելի է էլեկտրոնային տարբերակով:
Պալիատիվ օգնության կարիք ունեցող անձանց համար հանրամատչելի գործնական ուղեցույցը կարող եք ներբեռնել այստեղ

կարդալ

Դաունի համախտանիշի միջազգային օրն է

Աշխարհում ամեն տարի 3000-5000 երեխա ծնվում է Դաունի համախտանիշով: ՄԱԿ-ի նախաձեռնությամբ այս օրը նշվում է 2012 թվականից` Դաունի համախտանիշով ապրող մարդկանց խնդիրները բարձրաձայնելու, հասարակությունում նրանց դերը կարևորելու նպատակով:

Դաունի համախտանիշի միջազգային օրվա 2014 թվականի…

կարդալ

Հիվանդների մահվան պատճառ դարձած բժիշկ-տնօրենը խնդրում է իրեն արդարացնեկ

“Ժամանակ"-ը գրում է, որ վերաքննիչ քրեական դատարանում երեկ հետաձգվել է «Արմավիր» բժշկական կենտրոնի տնօրեն Նշան Գևորգյանի գործով վերաքննիչ բողոքների քննությունը:
Ըստ դատական ակտի՝ 2010թ. դեկտեմբերի 4-ի լույս 5-ի գիշերը Այգեվան գյուղի բնակիչ Վռամ Խ.-ն վատ է զգացել: «Արմավիր»…

կարդալ



Իրադարձություններ

Քննարկում “Հասարակական կազմակերպությունների դատավարական իրավասուբյեկտությունը” թեմայով

ԵՊՀ իրավագիտության ֆակուլտետի Սահմանադրական իրավունքի ամբիոնը կազմակերպում է սեմինար-քննարկում <ՙ<Հասարակական կազմակերպությունների դատավարական իրավասուբյեկտությունը>> թեմայով:

Վեջինս տեղի կունենա սույն թվականի մարտի 6-ին, ժամը 12:00-ին ԵՊՀ իրավագիտության ֆակուլտետի…

կարդալ

Պետական պատվե՞ր, թե՞ համակարգված ատկատ

«Բնակչության բժշկական օգնության և սպասարկման մասին» ՀՀ օրենքի և մի շարք այլ իրավական ակտերի համաձայն պետությունը իր վրա է վերցրել որոշակի պարտականություններ` հոգալու հանրապետության առողջապահական կարիքների մի մասը: Այդ կարիքների մեծ մասը, որի համար ի դեպ ծախսվում է պետական…

կարդալ




 

Practitioner Guide
 

Իրավական ակտեր


Այստեղ դուք կարող եք ծանոթանալ 2007 թվականին ընդունված ՀՀ վճռաբեկ դատարանի որոշումներին:

Վարբեռնել կայքի սերվերից…

Բառարան


29.01.11 - «Հայաստանում սեռավարկների տոկոսը գնալով մեծանում է»,- ասում է բժիշկ-սեքսապաթոլոգ Վրեժ Շահրամանյանը: Սեռավարակների մասին խոսելիս շատերն ամոթխածությամբ լռում են,…

Անցուդարձ


“ՄԱՐԴՈՒ ԻՐԱՎՈՒՆՔՆԵՐԸ ԲՈՒԺՕԳՆՈՒԹՅՈՒՆ ՍՏԱՆԱԼԻՍ” շարքի հերթական գրքույկը այժմ հասանելի է էլեկտրոնային տարբերակով:

Ձերբակալված, կալանավորված և դատապարտված անձանց…

Բաժանորդագրում

Մուգքագրեք Ձեր էլ. փոստի հասցեն

FAQ

ԵՊՀ  ԻՐԱՎԱԲԱՆԱԿԱՆ ԿԼԻՆԻԿԱ
-Անվճար իրավաբանական օգնություն - Խորհրդատվությունը երեքշաբթի-ուրբաթ օրերին, ժամը 9:30-14:30, Հասցե` Ալեք Մանուկյան 1, իրավագիտության ֆակուլտետ, Հեռ. 010578137