Առցանց օժանդակություն եւ հավաստի տեղեկություններ առողջապահության ոլորտում Ձեր իրավունքների մասին:
Մենք տրամադրում ենք օգտակար տեղեկություններ բժիշկների, պաշտոնյաների, իրավաբանների, հիվանդների եւ բոլոր այն մարդկանց համար, ովքեր հետաքրքրվում են առողջապահական իրավունքով եւ բիոէթիկայով:
06.05.2011 - Մեծ Բրիտանիայում էվթանազիան օրինականացնելու դեպքում հնարավոր կլինի դեղատնից դեղատոմսով գնել… ինքնասպանության դեղորայք:
Սա նշանակում է, որ երբ ՄԲ իշխանություններն էվթանազիան օրինականացնեն, բժիշկները իրավասու կլինեն անբուժելի հիվանդներին նշանակել մահաբեր դեղեր: Այս մասին տեղեկացվում է ՄԲ-ում բժշկության ոլորտի ազդեցիկ փորձագետներ լորդ Կարլայլոյի եւ բարոնեսա Ֆինլեյի վերջերս հրապարակած զեկույցում:
Իհարկե, նույնիսկ այսօր ցանկացած դեղատնից կարելի է ձեռք բերել դեղեր, որոնց գերդոզավորումը կարող է առաջացնել մահ: Սակայն, նման դեղերը վերջին հաշվով արտադրվում են մարդկանց բուժելու, այլ ոչ թե նրանց մահն արագացնելու համար: Եթե բրիտանական իշխանություններն այնուամենայնիվ հետեւեն Նիդերլանդների օրինակին, որտեղ էվթանազիան վաղուց օրինականացվել է, ապա դեղատները կսկսեն վաճառել բացառապես մահվան բերող դեղեր:
Զեկույցում նշվում է.
«Եթե էվթանազիայի մասին օրենքն ընդունվի, ապա որեւէ խանգարող պատճառ չի մնա, որպեսզի բժիշկները, բուժքույրերը կամ դեղագետները դուրս գրեն պացիենտի մահվան դեղեր: Հուսալքված պացիենտները կամ նրանց հարազատները նման իրավիճակում ուղղակի կգնան մահաբեր դեղատոմսի ետեւից»:
Ներկայումս ինքնասպանության նպատակով օգնության դիմելու համար (Բրիտանիայում հենց այդպես է անվանվում էվթանազիան) կարելի է ստանալ 14 տարվա բանտարկություն: Ահա թե ինչու 150 անբուժելի բրիտանացիներ արդեն իսկ դիմել են շվեցարական «Դիգնիտաս» կլինիկան, որը տրամադրում է նմանտիպ «օգնություն»:
Ի միջի այլոց, «Դիգնիտաս»-ը հաճախ ներկայացվում է որպես ինքնատիպ «մահվան ֆաբրիկա», որտեղ, պացիենտների առողջական վիճակից անկախ, սպանում են իրենց կյանքին վերջ դնելու ցանկությամբ անձանց: Իրականում, իր գործունեության ողջ ընթացքում, շվեցարական կլինիկան էվթանազիայի ծառայություն է մատուցել միայն մի քանի հարյուր հիվանդ անձանց, իսկ դիմած մի քանի հազարին բժիշկները համոզել են ետ կանգնել ինքնասպանության մտքից եւ ընտրել են ցավազրկողների ավելի արդյունավետ զուգակցություններ:
Թարգմանությունը՝ http://www.HealthRights.am
Աղբյուր՝ MedikForum
Մուգքագրեք Ձեր էլ. փոստի հասցեն
Բուժօգնություն ստանալիս մարդու իրավունքների պաշտպանություն
Պատրաստվել է Հայկական բժշկական ցանցի եվ Health Encyclopedia-ի կողմից:
Էլ. բովանդակության IV համահայկական մրցույթի «Էլ. առողջապահություն» անվանակարգի հաղթող (2008)
We comply with the HONcode standard for trustworthy health information: verify here
© 2006 - 2011 Առողջապահական նախաձեռնությունների հայկական կենտրոն.
Armenian Center for Health Initiatives with support of
