Առցանց օժանդակություն եւ հավաստի տեղեկություններ առողջապահության ոլորտում Ձեր իրավունքների մասին:
Մենք տրամադրում ենք օգտակար տեղեկություններ բժիշկների, պաշտոնյաների, իրավաբանների, հիվանդների եւ բոլոր այն մարդկանց համար, ովքեր հետաքրքրվում են առողջապահական իրավունքով եւ բիոէթիկայով:
Համաձայն Առողջապահության համաշխարհային կազմակերպության հրապարակած տեղեկատվության աշխարհում H1N1 վիրուսով հարուցված գրիպի համաճարակային իրավիճակը շարունակում է մնալ լարված` համաճարակային գործընթացում ընդգրկելով նոր տարածքներ:
2009թ. մայիսի 25-ի ժամը` 06:00 դրությամբ 46 երկիր պաշտոնական հաղորդագրություն են ներկայացրել մարդկանց շրջանում H1N1 վիրուսով հարուցված գրիպի 12.515 դեպքի մասին, 91 մահվան դեպքով: Ամերիկայի Միացյալ Նահանգների կառավարությունը մայիսի 25-ի դրությամբ հաղորդել է մարդկանց շրջանում 6552 լաբորատոր հաստատված դեպքի վերաբերյալ` 9 մահվան դեպքով, ընդորում` համաճարակային գործընթացում ընդգրկվել է 48 նահանգ, իսկ Մեքսիկան` 4174, լաբորատոր հաստատված դեպքի մասին` ներառյալ 80 մահվան դեպք: Լաբորատոր հաստատված դեպքեր են արձանագրվել Կանադայում` 805, այդ թվում` 1 մահվան դեպք, Կոստա Ռիկայում` 28 դեպք, այդ թվում 1 մահվան դեպք, Արգենտինայում` 2, Ավստրալիայում` 16, Ավստրիայում` 3, Բելգիայում` 7, Բրազիլիայում` 9, Չինաստանում` 15, Կոլոմբիայում` 13, Կուբայում` 4, Դանիայում` 1, Էկվադորում` 10, Էլ Սալվադորում` 6, Ֆինլանդիայում` 2, Ֆրանսիայում` 16, Գերմանիայում` 17, Գուատեմալայում` 4,, Հնդկաստանում` 1, Իռլանդիայում` 1, Իսրայելում` 8, Իտալիայում` 19, Ճապոնիայում` 345, Մալազիայում` 2, Նիդերլանդներում` 3, Նոր Զելանդիայում` 9, Նորվեգիայում` 4, Պանամայում` 76, Պերուում` 25, Լեհաստանում` 3, Պորտուգալիայում` 1, Կորեայի Հանրապետությունում` 3, Իսպանիայում` 133, Շվեդիայում` 3, Շվեյցարիայում` 3, Թայլանդում` 2, Թուրքիայում` 2 և Մեծ Բրիտանիայում` 122, Չիլիում` 44, Հունաստանում` 1, Ֆիլիպիններում` 1, Ռուսաստանի Դաշնությունում` 1, Հոնդուրասում`1, Քուվեյթում` 18, Իսլանդիայում` 1: ԱՄՆ Հիվանդությունների վերահսկման կենտրոնների պաշտոնական ինտերնետային կայքի համաձայն ԱՄՆ-ում մայիսի 25-ի դրությամբ 48 նահանգում արձանագրվել է 6764 դեպք (10 մահացու ելք), ընդորում` առավել շատ դեպքեր արձանագրվել են Վիսկոնսինում` 766, Իլինոիսում` 896, Տեխասում` 900, 3 մահվան դեպքով, Կալիֆորնիայում` 553, Նյու Յորքում` 343, 1 մահվան դեպքով, Արիզոնայում` 531, 3 մահվան դեպքով, Վաշինգտոնում` 517, 1 մահվան դեպքով, Միչիգանում` 176, Մասաչուսեթսում` 238, Ուտահում` 127, 1 մահվան դեպք և այլն (Միսսուրիում` 1 մահվան դեպք):
Հիշեցնենք, որ մարդկանց մոտ H1N1 վիրուսով հարուցված գրիպի հիմնական ախտանշաններն են` բարձր ջերմություն, գլխացավ, մկանային ցավ, հազ, անգինա, ռինիտ, որոշների մոտ նկատվել է նաև փսխում և դիարեա: Հիվանդության գաղտնի շրջանը 7 օր է: Հարուցիչը շրջակա միջավայրի առարկաների վրա պահպանվում է մոտ 2 ժամ: Առողջապահության համաշխարհային կազմակերպութունը չի առաջարկում սահմանափակել ճանապարհորդությունները կամ փակել սահմանները: Մարդկանց խորհուրդ է տրվում հաճախակի լվանալ ձեռքերը` օճառով, և գրիպանման հիվանդության ախտանիշների դրսևորման դեպքում դիմել բժշկական օգնության:
Հայաստանի Հանրապետությունում մարդկանց շրջանում H1N1 վիրուսով հարուցված գրիպի առումով համաճարակային իրավիճակը հանգիստ է: Հանրապետությունում շարունակվում է վարակի ներբերման և տարածման կանխարգելմանն ուղված հակահամաճարակային միջոցառումների իրականացումը: Շարունակվում է ուղևորների առողջության նկատմամբ մոնիթորինգի իրականացումը:
ՀՀ առողջապահության նախարարության պաշտոնական կայք
Մուգքագրեք Ձեր էլ. փոստի հասցեն
Բուժօգնություն ստանալիս մարդու իրավունքների պաշտպանություն
Պատրաստվել է Հայկական բժշկական ցանցի եվ Health Encyclopedia-ի կողմից:
Էլ. բովանդակության IV համահայկական մրցույթի «Էլ. առողջապահություն» անվանակարգի հաղթող (2008)
We comply with the HONcode standard for trustworthy health information: verify here
© 2006 - 2011 Առողջապահական նախաձեռնությունների հայկական կենտրոն.
Armenian Center for Health Initiatives with support of
