Առցանց օժանդակություն եւ հավաստի տեղեկություններ առողջապահության ոլորտում Ձեր իրավունքների մասին:
Մենք տրամադրում ենք օգտակար տեղեկություններ բժիշկների, պաշտոնյաների, իրավաբանների, հիվանդների եւ բոլոր այն մարդկանց համար, ովքեր հետաքրքրվում են առողջապահական իրավունքով եւ բիոէթիկայով:
05/08/2009 - Օգոստոսի 1-7-ը կրծքով սնուցման համաշխարհային շաբաթվա կապակցությամբ ՅՈՒՆԻՍԵՖ-ի հայաստանյան գրասենյակն այսօր կոչ է արել կրկնապատկել ջանքերը` խթանելու կյանքի առաջին վեց ամսում նորածինների բացառապես կրծքով սնուցման:
«Կրծքով սնուցման համաշխարհային շաբաթը բացառիկ հնարավորություն է մեզ` կրծքով սնուցումը ջատագովների համար, մեր ձայնը բարձրացնելու` ի օգուտ բացառապես կրծքով սնուցման և խրախուսելու մայրերին, որ շարունակեն կրծքով կերակրել իրենց երեխաներին` անկախ գտնվելու վայրից և անկախ հանգամանքներից»,-նշել է ՅՈՒՆԻՍԵՖ-ի հայաստանյան գրասենյակի ներկայացուցիչ տիկին Լեյլի Մոշիրին:
Համաշխարհային փորձը ցույց է տալիս, որ բացառապես կրծքով չկերակրվող նորածնի համար 25 անգամ ավելի մեծ է հավանականությունը, որ նա կմահանա փորլուծությունից և 4 անգամ ավելի մեծ` թոքաբորբից, քան կրծքով սնուցված երեխայի համար: Բացառապես վեց ամսով կրծքով սնուցումը ամենաարդյունավետ միջոցներից մեկն է մանկական մահացությունը նվազեցնելու և երեխայի ֆիզիկական ու հուզական զարգացումն ապահովելու համար:
Չնայած այն հանգամանքին, որ Հայաստանը նշանակալից առաջընթաց է ունեցել կրծքով սնուցման գործում` բարձրացնելով այս ցուցանիշը 0.7 %-ից (1993թ.) մինչև 45 % (2000թ)., վերջին 10 տարիների ընթացքում առնվազն մինչև 4 ամիս բացառապես կրծքի կաթով կերակրվող երեխաների ցուցանիշը նվազել է 45%-ից մինչև 33%: Վեց լիարժեք ամիս բացառապես կրծքով կերակրվող երեխաների ցուցանիշը ավելի ցածր է: Նման տվյալներ տրամադրել են ՅՈՒՆԻՍԵՖ-ի երևանյան գրասենյակի մամուլի ծառայությունից:
Բացի բացառապես կրծքով սնուցման կարևորության վերաբերյալ մայրերի և ընտանիքների շրջանում ցածր իրազեկվածությունից, ինչը պետք է խրախուսվի առողջապահական համակարգի հետ յուրաքանչյուր շփման դեպքում, կրծքի կաթի փոխարինիչների վաճառքը և տարածումը կարգավորող անհրաժեշտ օրենսդրության բացակայությունը զգալիորեն նպաստում է խնդրին: Անհրաժեշտ է ստեղծել աջակցող միջավայր, որտեղ մայրերը ընտանիքի, համայնքի և կառավարության աջակցությամբ կկարողանան հաջողությամբ երեխաներին կերակրել բացառապեես կրծքի կաթով:
«Չնայած Հայաստանը միացել է Կրծքի կաթի փոխարինիչների վաճառքի վերահսկման միջազգային կոդեքսին, որն ընդունվել է Համաշխարհային առողջապահության ասամբլեայի կողմից 1981թ.` կրծքով սնուցումը պաշտպանելու և խթանելու համար, ոչ մի ազգային օրենսդրություն, որը կապահովեր կոդեքսի իրականացման անհրաժեշտ վերահսկում, դեռևս չի ընդունվել»,-շեշտել է ՅՈՒՆԻՍԵՖ-ի ներկայացուցիչը` ավելացնելով, որ եթե առևտրային ընկերությունները շարունակեն զբաղվել ոչ էթիկական վաճառքով և գովազդեն կրծքի կաթի փոխարինողներ, սա կարող է վտանգի ենթարկել այս ոլորտում արդեն ձեռք բերված հաջողությունները:
Կրծքով սնուցման համաշխարհային շաբաթը առաջին անգամ տոնվել է 1992թ. : Այժմ այն նշվում է շուրջ 120 երկրներում` ՅՈՒՆԻՍԵՖ-ի և իր համագործակիցների նախաձեռնությամբ: Նպատակն է խթանել նորածիններին` կյանքի առաջին վեց ամիսներին, բացառապես կրծքով սնուցումը, ինչը հսկայական օգուտ է բերում երեխայի առողջությանը` ապահովելով ճգնաժամային իրավիճակների համար սնուցիչներ, պաշտպանություն մահացու հիվանդություններից, ինչպիսիք են թոքերի բորբոքումը: Այն անև խթանում է երեխայի աճին ու զարգացմանը:
Նշենք, որ ՄԱԿ-ի մանկական հիմնադրամը Հայաստանում իր գործունեությունն սկսել է ծավալել 1994թ-ից.:
ՄԱԿ-ի մանկական հիմնադրամը լիազորված է ՄԱԿ-ի Գլխավոր Ասամբլեայի կողմից` նպաստել երեխաների իրավունքների պաշտպանությանը, աջակցել երեխաների հիմնական կարիքների բավարարմանը և ընդլայնել հնարավորությունները` իրենց ներուժի լիարժեք զարգացման համար:
Աղբյուր` Panorama.am
Մուգքագրեք Ձեր էլ. փոստի հասցեն
Բուժօգնություն ստանալիս մարդու իրավունքների պաշտպանություն
Պատրաստվել է Հայկական բժշկական ցանցի եվ Health Encyclopedia-ի կողմից:
Էլ. բովանդակության IV համահայկական մրցույթի «Էլ. առողջապահություն» անվանակարգի հաղթող (2008)
We comply with the HONcode standard for trustworthy health information: verify here
© 2006 - 2011 Առողջապահական նախաձեռնությունների հայկական կենտրոն.
Armenian Center for Health Initiatives with support of
