Առցանց օժանդակություն եւ հավաստի տեղեկություններ առողջապահության ոլորտում Ձեր իրավունքների մասին:
Մենք տրամադրում ենք օգտակար տեղեկություններ բժիշկների, պաշտոնյաների, իրավաբանների, հիվանդների եւ բոլոր այն մարդկանց համար, ովքեր հետաքրքրվում են առողջապահական իրավունքով եւ բիոէթիկայով:
10.12.2009 - «Ոչ մի երկիր խտրականությունից զերծ չէ: Մենք դրա ականատեսն ենք ամենուր, տարբեր կերպ` հին թե նոր, գաղտնի թե բացահայտ, հասարակական թե անձնական»,-ասված է ՄԱԿ-ի Գլխավոր քարտուղար Բան Կի Մունի Մարդու իրավունքների օրվա առիթով ուղերձում:
Ըստ Գլխավոր քարտուղարի` այն կարող է հանդիպել որպես ինստիտուցիոնալ ռասայական խտրականություն, ազգային պայքար, անհանդուրժողականության և ժխտման դրվագներ, կամ էլ որպես պատմության պաշտոնական ազգային տարբերակ, որ ժխտում է մյուս ազգերի ինքնությունը:
«Խտրականությունն ուղղված է լինում այն անհատներին և խմբերին, որոնք ավելի խոցելի են` հաշմանդամները, կանայք և աղջիկները, աղքատները, վերաբնակիչները, փոքրամասնությունները և բոլոր նրանք, ովքեր դիտվում են որպես այլք:
Այս խոցելի մարդիկ հաճախ դուրս են մնում իրենց համայնքների տնտեսական, քաղաքական, մշակութային և սոցիալական կյանքից: Մոլեռանդությունը, որն անարգում և բացառում է նրանց, գործադրվում է ծայրահեղականների կողմից: Որոշ երկրներում մենք օտարատյացության նոր քաղաքականության սկզբնավորման ականատեսն ենք լինում:
Բայց խտրականության այս զոհերը միայնակ չեն: Միավորված ազգերի կազմակերպությունը նրանց հետ է` պարտավորված լինելով պաշտպանել բոլորի իրավունքները և հատկապես ամենախոցելիներինը: Սա է մեր կոչումն ու առաքելությունը:
Մարդու իրավունքների միջազգային համայնքը շարունակում է առճակատել կողմնապահության ու ատելության դեմ: Հանրային իրազեկվածությունը սկիզբ է դրել համընդհանուր փաստաթղթերի, որոնք առաջարկում են իրավական պաշտպանություն խտրականությունից և անհավասար վերաբերմունքից:
Բայց վերացական հանձնառությունները բավական չեն: Մենք պետք է շարունակենք դիմակայել անհավասարությանն ու անհանդուրժողականությանը, որտեղ էլ դրանք հանդիպեն:
Մարդու իրավունքների օրը ես հրավիրում եմ բոլոր մարդկանց ամենուր, բոլոր մակարդակներում` խտրականության դեմ պայքարում միանալ Միավորված ազգերի կազմակերպության և մարդու իրավունքների պաշտպաններին»,- ասված է ուղերձում:
Մուգքագրեք Ձեր էլ. փոստի հասցեն
Բուժօգնություն ստանալիս մարդու իրավունքների պաշտպանություն
Պատրաստվել է Հայկական բժշկական ցանցի եվ Health Encyclopedia-ի կողմից:
Էլ. բովանդակության IV համահայկական մրցույթի «Էլ. առողջապահություն» անվանակարգի հաղթող (2008)
We comply with the HONcode standard for trustworthy health information: verify here
© 2006 - 2011 Առողջապահական նախաձեռնությունների հայկական կենտրոն.
Armenian Center for Health Initiatives with support of
