Առցանց օժանդակություն եւ հավաստի տեղեկություններ առողջապահության ոլորտում Ձեր իրավունքների մասին:
Մենք տրամադրում ենք օգտակար տեղեկություններ բժիշկների, պաշտոնյաների, իրավաբանների, հիվանդների եւ բոլոր այն մարդկանց համար, ովքեր հետաքրքրվում են առողջապահական իրավունքով եւ բիոէթիկայով:
08.04.2010 - «Թմրամոլները պրակտիկորեն չեն դիմում առողջապահական համակարգ»,- այսօր լրագրողների հետ հանդիպման ժամանակ ասաց ՀՀ Նարկոլոգիական կենտրոնի տնօրեն Պետրոս Սեմերջյանը:
Նա տեղեկացրեց, որ թմրանյութերից կախվածության բուժումը Հայաստանում անվճար է. պետությունը յուրաքանչյուր հիվանդի համար վճարում է 144 հազար դրամ` 24 օրվա բուժման համար, իսկ օտարերկրյա քաղաքացիների համար նույն ծառայությունները վճարովի են:
Բանախոսը տեղեկացրեց, որ այսօր Հայաստանի Նարկոլոգիական կենտրոնում բուժվում են Վրաստանի, Ռուսաստանի Դաշնության, հիմնականում ազգությամբ հայ քաղաքացիներ. թմրամոլությունից բուժվելու համար, անհատը կամովի դիմում է Նարկոլոգիական կենտրոն, գրում է դիմում` առանց որևէ կողմնակի պարտադրանքի:
Բժիշկը հավաստեց, որ 24-օրյա բուժումը լիովին բավարար է թմրամոլին կախվածությունից ազատելու համար:
«100 տոկոսը ազատվում է կախյալությունից, կրկնությունը լինում է այլ` սոցիալական պատճառներով. նույն ընկերները, նույն ժամանցը»,- ընդգծեց Պետրոս Սեմերջյանը:
Ինչ վերաբերում է այն հարցին, թե արդյո՞ք բուժումից հետո մարդիկ մնում են մասնագետների ուշադրության կենտրոնում, Պ. Սեմերջյանը պատասխանեց, որ այն հիվանդները, ովքեր ցանկանում են բուժումից հետո կապ պաշտպանել բժշկի հետ, մնում են կլինիկայի աշխատակիցների տեսադաշտում:
Մասնագետը հայտնեց նաև, որ առողջապահական համակարգ դիմած թմրամոլների մոտ անչափահաս տարիքից թմրանյութերի օգտագործման տոկոսը` 30-40 է:
«Թմրամոլները, հիմնականում, 35-40 տարեկան են… թեպետ պատահում են ավելի երիտասարդ և ավելի մեծահասակ թմրամոլներ»,- հավելեց նա:
Մուգքագրեք Ձեր էլ. փոստի հասցեն
ՀՔԴ-ն մաս է կազմում «Իրավունք եւ առողջապահություն» նախաձեռնությանը:
Պատրաստվել է Հայկական բժշկական ցանցի եվ Health Encyclopedia-ի կողմից:
We comply with the HONcode standard for trustworthy health information: verify here
© 2006 - 2009 Հակաթմրամոլային քաղաքացիական դաշինք.
This project has been implemented by Antidrug Civil Union with support of
